Waxaa habeenkii Jimcada ee bishu ay ahayd 17/08/07 casha Sharaf lagu soo dhoweynaya Kooxda Kubadda cagta ee Dhalinyarada Nabadda(Nabadda Youth FC) ee magaalada London lagu qabtay Goley Restaurant   kadib markii Kooxda Nabadda oo kalinta labaad ka gashay ciyaarihii xagaaga ee lagu qabtay Dalka Sweden.

Xafladan oo loogu hambalyeynayey Ciyaartoyga iyo tabarayaahsa Kooxda Khadar Abdi , Mahamed Brasab iyo Abdifatah Dheereye kalintii ay ka galeen ciyaarihii Sweden lagu qabtay ayaa waxaa ka soo qabanqaabiyey Mudane Abdinaasir Goley.

Waxaa Xafladaasi oo si wayn loo soo agaasimay ka soo qaybgalay Ciyaryahanadii hore ee u cayaari jirey Kooxihii  Qaranka Somaliya, waxgarad iyo taageerayaasha kooxda Nabadda Youth FC.

Dadkii ka soo qayb galay xaflada waxaa ka mid ahaa Ahmed Shell, Seyga Ruushka, Cantar Jenyo, Cumar Ganjab, C/nasir Goley, Islow, Cadani, Shiino Guhaad, Yasiin Diinoow, Hussian Deeq, Yonis Galbeyte DJ ICE iyo dadka kale oo fara badan.

 Tababare Khadar Abdi oo ah(Maamulka Nabadda FC Manager) ayaa ka Hadley munaasabadaasi waxuuna sheegay in kooxdan la asasay mudo hada laga joogo sanad mudadaasina ay ka qaybgashay ilaa 5 tartan ciyaarreed, tartankii ugu dambeeyeyna ay guul wanaagsan ka soo haysey oo ay gashay kaalinta labaad, wuxuuna ugu baaqay ciyaartoyda kooxda iyo taageerayaashaba inay dadaalka sii wadaan isagoo xusuusiyey in ay kusoo fool leeyahay koobab badan oo ay dhawaan ka qaybgalidoonan ayna diyaargaroobaan.

 Waxaana kaloo halkaasi ka hadley Mudane Ahmed Shell oo kooxda ugu hambalyey ciyaar wanaagii ay muujiyeen isagoo u rajeeyey inay guul ka soo hooyaan Tartanada soo socda.

Kooxda Nabadda FC waxaa la asaasey sannad ka hor waxayna kooxdu ilaa hada ka qayb gashay ilaa 5 tartan ciyaareed oo lagu qabtay dalka gudihiisa iyo dibadiisaba waxayna ka soo hoyday guulo fara badan iyadoo Tartankii ugu dambeeyey uu ahaa Ciyaarihii sweden lagu qabtey oo Finalka soo gaadhey.

Waxaa kaloo kooxda si fiican loogu soo dhaweeyey Xaafada Leyton ee Bariga London oo ay kooxda Nabadda FC ka dhisantahay.

Waxaa halkaas casho sharaf kooxda Nabadda FC ugu sameeyey Dhalinyarada xaafada Leyton Aqoonyahanada Odoyaasha iyo Taageerayasha kooxda ee ku nool xafada Leyton.Waxaa dhalinyarada casho sharafta soo qaban qaabisey ka mid ah Mahamud Khayre, Ahmed Yasiin, Yusuf Madaxey, Anfac, Engineer Maki, Shiino iyo  kuwa kale oo fara badan.
 

Garaad Salaad Xirsi

garaadcadde@hotmail.com