Munaasabad lagu maamuusayey Xuska 49 guuradii ka soo wareegtey xilligii ay Soomaaliya Xornimada ka qaadatey Gumeysteyaashii Talyaaniga & Ingiriiska iyo Israacii labada Gobol ee Koofurta iyo Wuqooyiga Soomaaliya oo ku beegneyd 1960kii ayaa shalay si weyn looga xusay garoonka weyn ee kubada cagta Angeredsvallen, magaalada Göteborg-Sweden.

Xafladatan ayaa waxaa ka soo qeyb galey dadweynaha aad u tiro badan oo degan magaalada Göteborg, isla markaan ay ka dhex muuqdeen Odayaal, Dhalinyaro, Hooyooyin, Caruurba.

Munaasabadda ayaa waxaa hadal ka soo jeediyey ka soo qeyb galeyaasha oo uu ka mid ahaa Bashiir Abdulle Codweyn khudbad ku saabsanayd taariikhda Soomaaliya, gaar ahaan markii calanka la saarayey 1960kii isla markaana ka war bixiyey qiimaha ay leedahay maalinta 1`da Luulyo.

Munaasabadii shalay lagu xusayey 1`da luulyo ayaa waxaa ayada dhinac socday cayaar si aad u heersareeysa loo soo qaban qaabiyey oo dhex martay labada wadan ee  Somaaliya & Nayjeeriya. Cayaartaas oo ku bilaabatay xamaasad & jawi wanaagsan ayaa waxaa ahayd cayaar ay kawada wada heleen dadweynihii fiirsanayey/daawanayey, iyadoo labada wadan ay soo bandhigeen cayaar aad u heersareysa oo uu ka muuqday wada tashi wanaagsan.

Cayaartii waaa la isla mari waayey ilaa daqiiqadii 30`aad, balse cayaartu markii ay mareysay daqiiqadii 32`aad ayaa waxaa goolkii ugu hereeyey Soomaaliya u saxiixay cayaartoygii watay Nr 2 Cumar, balse qaybtii hore waxay natiijadu noqotay 1-1.

Markii la isugu soo noqday qaybtii labaad waxay labadii wadanba halkii ka sii wadeen dadaalkii ay ku raaci lahayd natiijada, balse waxaa dhinaca Soomaliya markale ay hogaamisay cayaarta hogaankeedii, waxaana goolkii labaad u dhaliyey daqiiqadii 56`aad wadanka Soomaliya cayaartoygii watay Nr 7 Axmed ”Bicir” isla markaana waxaa hal mar sawaxan & sacab la istaagay dadwenihii Soomaliyeed ee fiirsanayey cayaarta ayagoo ku Dhawaaqayey hadalo qiiro leh.

Waxaa iyaga u suurta gashay cayaartooydii ku cayaareysay magaca Wadankii Neyjeeriya daqiiqadii 93`aad iney keenaan goolkii barbardhaca ahaa, halkaas oo ay natiijadii cayaarta noqotay Soomaliya 2-Neyjeeriya 2.

Cayaartooydii ku cayaareysay magaca Wadanka Soomaliya waxey kala ahaayeen:

1.      Abdiqani                           11. Mohamed ”Svene”

2.      Cumar                               12. Abaas

3.      Fuuji                                  14. Mocow ”Kaptan”

4.      Yuu Xaaji                          15. Mohamed ”Hindi”           

5.      Ismaciil                              16. Abdi Xaafid         

6.      Ayaanle ”Faandha”                     17.Abduqaadir

7.      Axmed ”Bicir”

8.      Liiban Yare

9.      Zakariye

10.  Abdulahi ”Göteborg”

Waxaan la ilaawi karin Mocow ”Kap” oo asagu ahaa caartooydii hore ee Soomaliya isla markaana cayaartii shalay uga cayaarayey khadka dhexda isla markaana ahaa laf dhabarkii cayaartii shaley wuxuu soo bandhigay isku xir aad u sareya.

 Balse waxaan leenahay Dhaman cayaartooydii ku cayaareysay magaca Wadanka Soomaliya waxay soo wada bandhigeen cayaar aad u xiiso leh. Dhanka kale waxaa isla shalay garoonka si lama filaan ah noogu yimid mas`uuliyiin sare oo ka socota wadanka Soomliya, taasoo ay indhahooda ku arkeen munaasabadii meesha ka dhacday. 

Mas`uuliyiinta meesha timid waxaa ka mid ahaa Dr Mohamed Jaamac oo isugu ah dhakhtar caan ah oo wadanka Soomaliya laga yaqaano, iyo waliba Prof: Kowtame & waliba mas`uuliyiin kale oo la socotay.

Munasabada maalinta 1`da luulyo waxay tahay maalin mudan xusuus karaamo iyo qiimo weynba leh, waxayna xasuus gaar ah u tahay wadanka Soomaaliyeed, waxaan salaan u direynaa guud ahaan shacabka Soomaaliyeed  meel kastoo ay joogaan waxaana uu ilaahey uga baryeynaa inuu dhibtada ka saaro shacabka Soomaaliyeed,

Waxaan halkaan mahadnaq gaar ah uga soo jeedinaeynaa Ikraam oo ka socotay websidka Somaliweyn, dadkii fakirkeeada keenay, dhainyaradii howsha qabatay, dadweynihii taagaryey Wadankooda Soomaliyeed, cayaartooydii ku cayaareysay magaca Wadanka Soomaaliyeed dhamaantood, marti sharafkii nooga kala yimid meelaha kala duwan ka kala yimid waxaan idin leenahay waad mahadsan tihiin.

Waxaa hawshan qabtay, isla markaana soo wada diyaariyey:

Mohamed Said

Mooge

Axmed Shire

Sharmarke X daib

Mowliid

Abduqaadir

Ganey ” Qaalu”

Abshir “boonjek”