Garsooryaal Soomaaliyeed ayaa sanadkan waxeey ka qeyb qaateen dhexdhexaadinta cayaarihii xagaaga SEUKI 2007 ee ka dhacayey magaalada Stockholm.

Garsoorayaashan Soomalida ah ayaa waayadii danbe waxaa laga waayey garoomada cayaaraha maadama ay kooxuhu daneeynayaan garsoorayaal ajanabi ah balse waxaa is weeydiin mudan hadii garsoorihii Soomlaaliga ahaa isla markaana aqoontii garsoorka lahaa hadii uu qaban waayo cayaaraha Soomalida qoldee ayuu u qaban doonaa ciyaarahooda.

Qof kastaaba wixii uu bartay wuxuu ula soo laabtaa dadkiisa wuxuuna wixii uu bartay uga faaiideeyaa dadkiisa sidaa oo kale ayeey garsoorayaasha Soomaliyeedna xaq ugu leeyihiin ineey dhexdhexaadiyaan cayaaraha xagaaga ee lagu qabto Yurub iyo North America .

Cayaaraha ay abten garsoorayaashan kala ah Maweel , Weerow iyo Saciid ayaan waxba ka duwaneeyn cayaarihii kale ee ay qabteen garsoorayaasha ajanabiga ah.

Ururka SEUKI ee qabanqaabiya cayaaraha xagaaga SEUKI ayaa wuxuu mahad aad u ballaaran u dirayaa seddexda garsoore ee kala ah Yuusuf Maweel , Maxamed Cali Weerow , Saciid Dheere sida xilkasnimada iyo aqoonta leh ee ay cayaarahan u qabteen.

Sidoo kale ururka SEUKI ayaa wuxuu dhamaan ururada qabanqaabiya cayaaraha xagaaga iyo waliba kooxha ka qeybqaata kula talinayaa in had iyo goor garsoorayaasha Soomalida ah laga hormariyaa kuwa ajanabiga si ay waayaragnimo dheeri ah uga helaan cayaarahan loo qabtay Soomalida maadama ay iyaguna yihiin Soomali.

Cabdi Cumar Afrax

London