Ururka weyn ee Somaliska Europieska kultur och Idrott oo marka magaciisa la soo gaabiyo loo yaqaan SEUKI ahna urur Sport oo qabta cayaaraha xagaaga Sweden kana dhisan magaalada Stockholm ayaa wuxuu haatan furay bogg cusub oo internetka ah bogaas oo lagu magacaabo www.seuki.com

Boggan cusub ee seuki.com waxaa uu ururku ku soo badhigi doonaa howlaha uu ururku qabto iyo waxyaabaha uu qaban doono iyadoo boggana uu xiriir joogta ah u noqon doono ururada SEUKI iyo SEUKI international iyo waliba kooxaha ka cayaara cayaaraha xagaaga ee uu ururku qabto.

Ururku wuxuu boggan ugu tala galay in xitaa ay kooxuhu ra'yi isku dhaafsadaan sidii loo hormarin lahaa cayaaraha xagaaga SEUKI iyo sidii kooxaha laftooda ay hormar u sameyn lahaayeen iyadoo aan boggan u furi doono qeyb fikrado ah oo uu ama maamulka kooxaha ama cayaartoyda ama taageerayaasha kooxaha qof walba wixii uu fikrad wanaagsan hayo ee lagu hormarin karo cayaaraha soo gudbiyo si ay inta kalana u akhristaan isla markaana ay fkirkooda kala baxaan.

Waxaa kaloo boggan lagu soo daabici doonaa ogeeysiisyada sida tooska ah ugu socda kooxaha sida xilliga qoratuurka la qabanayo iyo waxyaabihii kale ee infomation ah ee uu maamulku doonayo inuu u gudbiyo maamulada kooxaha.

Haddaba si joogta ah ula soco boggan cusub ee www.seuki.com oo uu furay ururka weyn ee SEUKI.

Guddoomiyaha SEUKI

Cabdi Cumar Afrax