Cayaarihii xagaaga SEUKI 2009 ayaa waxaa lagu soo gabagabeeyey garoonka weyn ee Spånga IP iyadoo ay cayaartii kama danbeeystana wada cayaareen kooxaha Holland iyo Oslo Norway iyadoo cayaartana daqiiqadihii loogu talagalay ee aheeyd 90 daqiiqo la isla dhaafi waayey 1-1 ka dibna waxaa lagu daray 30 daqiiqo iyadoo cayaartana ay ku dhamaatay 1-1.

Cayaartan ayaa waxeey garsoorayaashii garsoorayey ay fasaxeen tuurashada laadka xorta ah ama rigoore iyadoo labadii gool ee ugu horeeysayba ay Holland dhaliyeen Norwayna lumiyeen , isla tuurashadii seddexaad ayeey kooxda Norway lumisay fursad kale oo ay kooxda Holland dhaliyeen taasoo noqotay in cayaartooyda kooxda Holland ay bilaabeen ineey garoonka dhexdiisa ku dabaaldagaan iyoadoo ay halaakna shalay ku sugnaayeen shacab fara badan oo aan caadi aheeyn.

Waxaa sidoo kale shalay garoonka ku sugnaa madax kala duwan oo ka soctay ha,yadaha kala duwan ee dalkan Sweden iyo odayaal iyo cayaartooy hore ee Soomaliya iyo waliba madaxdii xiriirka kubadda cagta Jabuuti.

Dadka shalay halkaa biladaha ka bixiyey ayaa waxeey kala ahaayeen Xuseen Fadul , Cali Kaamil, Axmed Diinaash , Shaacir Sheegoow , Cantar Jeenyo , Bashiir Jeenyo , Bile Cali , Anneta Hägger , Olle Bixor , Boss Caato , Amp. Caalin iyo Maryan Ciise

Waxaa halkaa ka hadlay Guddoomiyaha ururka SEUKI Sheekh Mukhtaar Shuute iyo  xildhibaan katirsan Baarlamanka Soomaliya booqashana ku jooga dalka Sweden.

Hadalada halkaa ay masuuliyiin kala duwan ka soo jeediyeen ayaa waxeey u badnaayeen hadalo dhiirigalinaya ururka SEUKI oo ah ururka qabta cayaaraha xagaaga Stockholm , iyadoo Guddomiyaha ururka Seuki uu ka hadlay nabadeeynta uu ka dhacday Stockholm iyo in cayaaraha lagu qabanayo hal meel , waxaa sidoo kale halkaa ka hadlay  Gudd. SKIF Boss Caato oo ka hadlay sida ay ururkiisu u tanaasuleen iyo sida ay uga shaqeeynayaan in cayaaraha Stockholm ka dhacaya ay noqdaan hal qura.