Cayaarihii xagaaga Sweden SEUKI 2007 ayaa shalay lagu soo gabagabeeyey garoonka weyn ee Spånga IP iyadoo ay ka soo qeyb galeen marti sharaf , iyo dadweyne farabadan oo garoonka aad u soo buux dhaafiyey.

Fadhigii weeynaa ee garoonka Spånga IP ayaa wuxuu ku yaraaday ama ka buuxsamay dadkii faraha badnaa ee halkaasi isugu soo baxay iyadoo xitaa daafaha garoonka oo dhan la buuxiyey oo ay dadku meel kasta ka fariisteen garoonka weyn eeSpånga IP.

Dadka marti sharafta ah ee shalay joogay garoonka ayaa waxaa ka mid ahaa aabihii Sportiga Nuur Xuseen ( Nuur Jeenyo) , Axmed Saalax Diinash , macallin Giftin ,Cumar Ganjab , Cantar Jeenyo ,Shiino Guhaad , Axmed Nuur Seyga ruushka , Biyooleey , Xaawo Taako , Cabdulaahi Shaacir , Cali Guure , Abdul Makaraan , Cabdulaahi Maalin , Buufaaye , Bile , Maxamed Khaliif , Seif , iyo guddiga cayaaraha Stadshagen oo ay ka mid ahaayeen Cabdi Qani Caalin , Boos Caato , Dhabareey , Maxamed Muuse , Yoonis Galbeyte , Siyaad Barre , Jacksson , Xamdi .

Furitaankii xafaladdan xiritaanka ayaa waxaa uu ku bilaabmay bandhig faneed waxaana halkaasi ku sugnaa Fanaaniinta ay ka mid yihiin Super Khalid , King Khalid , Jelle , Faarax Piggy iyo waliba Abti.

Waxaa cayaartii shalay ee Finelka wada cayaaray kooxha Qaran iyo Olympic Denmark iyadoo cayaartana ay aheeyd cayaar aad u adag oo labada kooxoodba ay isla dhaafi waayeen 2-2 waxaana cayaarta lagu daray 30 daqiiqo si loo kala baxo balse labada kooxoodba wey u suurta gali weysay in ay wax gool ah halkaasi ka dhaliyaan waxaana labada kooxood lagu kala saaray rigooreyaal iyadoo kooxda Qaran ay ku badisay rigooreyaalkan halkaasna ay ku noqotay Championka cayaaraha xagaaga SEUKI 2007.

Kooxda Qaran ayaa waxaa cayaaraheeda yimaada taageerayaal aad u xamaasad badan oo shalayna sitay durbaano iyagoo waliba watay fu,naanado isku nuuc ah oo casaan ah waxeeyna ridayeen baaruud .

Markii ay cayaartii dhamaatay ayaa waxaa halkaa ka hadlay Guddoomiyaha ururka SEUKI Mudane Cali Sheekh ( Cali Gureey), siyaasiyad ka tirsan dalkan Sweden iyadoo kooxdii koobka qaadayna u gudbisay hambalyo , waxaa sidoo kale halkaa ka hadlay Guddoomiyaha Ururka Isbaheysiga Soomalida Abdul Makaraan ka dibna waxaa hadalkii qaatay aabihii Sportiga Soomalida Mudane Nuur Jeenyo oo isna hadalo kooban ka jeediyey halkaa ka dib ayaa waxaa la bilaabay qeeybinta biladaha iyadoo koobkii koowaad uu dhiibay Nuur Jeenyo kii labaadna uu dhiibay Axmed Diinash ,koobii dhalinta goolasha waxaa dhiibtay Xaawo Taako iyadoo siisay cayaaryanaka Denmark Henrik , koobka kooxdii ugu dishibiliinka badneeyd waxaa dhiibay Cantar Jeenyo wuxuun siiyey kooxda Holland, Seyga Rushaka wuxuu dhiibay difaacii ugu wanaagsanaa wuxuuna siiyey cayaayahan Turaam , macallin Giftin wuxuu dhiibay biladda tababarihii ugu wanaagsanaa wuxuuna siiyey macalin Dahir Gacameey , Cabdulaahi Shaacir wuxuu dhiibay goolhayihii ugu wanagsanaa wuxuuna siiyey Mao uu u ciyaara kooxda London Stars , Shiino Guhaad wuxuu bixiyey biladda cayaaryahankii ugu wanaagsanaa khadka dhexe wuxuuna siiyey Shiikh Cali oo ka socday Ilamos, Bile wuxuu bixiyey cayaaryahanka ugu da,da yar waxaana la siiyey goolhayaha kooxda Xiddigaha Rågsved ,Cumar Ganjab wuxuu bixiyey biladda cayaaryahankii ugu wanaagsanaa tartanka waxuuna siiyey cayaaryahan Cabdi Salaan oo u safta kooxda Xiddigaha Rågsved , Xaaji Faarax oo ah aabe Soomaliyeed oo wax badan u qabtay Soomalida ku nool Rinkeby ayaa isagana waxaa lagu sharfay inuu bixiyo biladda Garsooreyaasha.

Shabakaddan warbaahinta Ceelbuurnet.com waxeey hambalyo gaar ah u direeysaa kooxda Qaran oo ah horyaalka cayaaraha xagaaga SEUKI sanadkan 2007.

Ururka SEUKI ee qabanqaabiya cayaarahan xagaaga wuxuu mahad ballaaran u dirayaa dhamaan intii ka taageertay howlahooda gaar ahaan Xawaaladda Dahabshiil , Iskoolka Al Azhar ,Ururka Isbaheeysiga Soomalida , Shqsiyaadkii kala qeyb qaatay howlahan oo ay ka midka yihiin Sabriye Gaaboow , Cabdi Cadde , Cabdi Nasir Haruuse , Xaaji Faarax Sheekh Daahir Jeeyte iyo inta aan magacooda halkan lagu sheegin balse gacan ka geeystay qabsoomidda tartankan shalay dhamaaday , Dhanka Fanaka wuxuu ururku mahad u celinayaa Super Khalid oo howshan baaxadeeda waday ,Xabiibo Wanaag ,Jarmal ,King Khalid , Jelle , Faarax Biggy .Abti .dhanka warbaahinta wuxuu ururku mahad u dirayaa TVweyn ee Universal iyo wariyahooda Stockholm Mr Cabdulaahi Iiman , TV Horseed , TV Somali Star , Dalrmar.Org , Somsports.com Cayaaraha.com ,ceelbuurnet.com , Jowhar.com jilibweyn.com ,Hiiraancenter.com iyo Radio Sweden .

Cabdi Cumar Afrax

Stockholm