Kooxda Olympic Denmark oo ka socta dalka Denmark ayaa waxeey cayaartii shalay dhexmartay iyaga iyo kooxda xiddigaha Rågsved ahna cayaartii semifinalka tarbuunka saareen kooxda xiddigaha iyagoo uga badiyey 2-1.

Cayaartan oo ayheeyd cayaar aad u adag aadna u qurux badan marka la eego cayaarta ay labada kooxoodba soo bandhigeen iyadoo aad mooday in kooxda Olympic Denmark ay xoogaa ka gacan sareeyeen kooxda xiddigaha Rågsved oo shalay guuldaradii labaad ay ku dhacday.

Cayaartan ayaa waxaa aad uga dhexmuuqday cayaaryahanka Nr 9 ee Denmark iyo waliba Nr 6 aad iyo Nr 14 aad kooxadana waxeey sanadkan heeystaan cayartooy aan loo babac dhigi karin waxeeyna cayaarta Finelka maalinta berrito ah la yeelan doonaan kooxda Qaran oo iyaguna ka socda magaalada Stockholm.

Cayaaratan shalay ayaa waxaa loo shiday nalalka ka dib markii la isku habeensaday waxaase xusid mudan in dadweeyne aad u fara badan ay garoonka buux dhaafiyeen waloow uu jiray qaboow iyo roob balse uu dadku u adkeeysanayey iyagoo rabay in natiijada cayaarahan shalay dhacayey aysan moogaan.

Maanta ayaa waxaa garoonka weyn ee Spånga IP ka dhici doonta cayaar dhexmari doonta koox xul ah oo laga xulay kooxihii haray oo aan Finelka u soo bixin iyo koox Swedhish ah.

Maalinta berri ah bishuna ay tahay 29 July ayaa iyadana waxaa dhici doonta cayaartii Finelka iyadoo lagu cayaari doona garoonka weyn ee cowska ah ee Spånga IP waxaana hadli doona siyaasiyiinta xisbiyada dalkan qaar ka tirsan iyo waliba xiddigihii hore ee cuslaaday ee dalkeenii waxaana berri dhici doonta xafladii xirirtaanka iyadoo ay halkaana diyaar noogu yihiin fanaaniin badan oo uu ka mid yahay Super Khalid , King Khalid , Jelle, Faarax Biggy iyo qaar badan oo lasoo koobi karin.

Cabdi Cumar Afrax

Stockholm