Kooxda Qaran oo ka dhisan magaaladan Stockholm oo uu macalin u yahay Naasir guddomiyana u yahay guddomiye Dhicis ayaa waxeey u soo baxeen Final ka dib markeey rigooreyaal uga badiyeen kooxda London Stars iyo macalinkooda Daahir Gacameey.

Kooxda Qaran oo ay u cayaaraan dhalinyaro xirfad badan oo qaarkood mustaqbal ku leh kubadda cagta sida inanka u qaata Nr 2 aad ayaa waxeey shalay soo bandhigeen cayaar dadkii daawanayey ay la dhaceen inkastoo aysan kooxda London Stars oo ah Championka koobkii Canada aysan iyaguna ka yareeysan kooxda Qaran.

Cayaartan dhexmartay kooxda London Stars iyo Qaran ayaa waxeey ku dhamaatay 0-0 balse waxaa lagu kala baxay rigooreyaal iyadoo kooxda Qaran ay ku badisay haatana ay berri la cayaari doonto kooxda Olympic Denmark.

Cayaartan ayaa waxaa da,ay roob aad u xoogan balse dadwwynihii faraha badnaa ee garoonka fadhiyey waxaa ineey guryahooda aadaan u diiday cayaartan semifinalka aheeyd ee aadka u quruxda badneey iyadoo kooxda Qarana ay taagerayaal fara badan tarbuunka ku laheeyd.

Cayaartan ay kooxda Qaran badiyeen ka dib ayeey kooxdu waxeey wada jir u cuneen casho sharaf iyagoo wada qeybsaday farxadda iyo guusha ay kooxdu gaaratay iyagoo maalinta Berri ahna u safan doona cayaarta Finelka ee koobka xagaaga SEUKI 2007.

Cabdi Cumar Afrax

Stockholm