Maanta oo ahayd marka laga eego dhinaca kubadda cagta tartanka Eurosom ee Gotenberg
2009 maalin nasasho ah ayaa hadana waxaa tartan aad u xiiso badan oo dhinaca
ciyaarha fudud ah loo qabtay  caruurta iyo dhalinyarada Soomaaliyeed ee kasoo qayb
gahsay tartanka Eurosom 2009, waxay ciyaarahaas si gaar ahaana u farxad galiyeen
caruurta ay da’adoodu aad u yartahay iyo waalidiintooda oo marwalba la daba taagnaa
sacab iyo dhiiri galin, waxay caruurtu aad ula riyaaqsanaayeen baratanka ay u
baratamayaan meesha loo calaamadeeyey iyo billadaha qoorta looga laalaadinayo
marwalba 3da ugu orodka badan ee ku kala guulaysta kaalimaha 1aad-3aad.

Waxaa sidoo kale maanta garoonka ka dhacay ciyaar aad u qosol badan oo dhexmartay
odayaashii hore ee sportiga ku ciyaari jirey dalkii hooyo, waxay soo xasuusteen
waayo waayo iyo wacdarihii ay qaarkood ka dhigi jireen markay garoonka sida rasmiga
ah uugu jiri jireen, dhinaca kale waxay ciyaartan dhalinyardii tartanka caadiga ah
ka qayb galaysay  fursad uheleen inay daawadaan gudiyadooda iyo macalimiintooda oo
kubad ciyaaraya iyakoo nafta la xarbinaya iyo culayska saaran, kama dabaystii
ciyaartan oo dhex maraysay reer Gotenberg oo marti loo yahay iyo inta kale ee ka
kala timid dunida dacalladeeda ayey guushii si muran la,aan ah loogu sharfay marti
sharafta dibadda ka timid.

Waxaa si xiise leh loo sugayaa ciyaarta finalka oo dhex mari doonta labada kooxood
ee Alhijra iyo Kanava oo ay kala wataan laba gudoomiye oo mudo dheer illaa
Soomaaliya ciyaal xafad saaxiib ku ahaa, waa Daadow Kanava iyo Kaaji nuur Alhijra,
waxaa la is weydiinayaa waxa kala haysta labada saaxiib oo kala wata sidoo kale laba
kooxood oo saaxiib ah hadana midwalba oo ka mid ah u tatamayso inay markii 3aad ku
guulaystaan koobka Eurosom, waaba la arki doonaa haduu Ilaahay yidhaahdo sida ay wax
u dhacaan maalinta bari iyo gabagabada tartanka ciyaarha Eurosom 2009 ee magaalada
Gotenberg.

 
CIYAARAHA EUROSOM OO SI HABSAMI AH U SOCDA

Ciyaaruhu waxay bilaameen 22kii bishan julay waxaana la rajaynayaa in ciyaarta ug
dambaysa ee finalka la ciyaari dono 28da isla bishan julay oo ku aadan maalinta
Isniinta.

Ciyaarha oo maanta u gudbay wareegeedii sadexaad oo ah heerka kama damaybaysta ah,
ayaa waxay manta laba  ciyaarood oo aad u xiiso badan nashaad bandanna ka muuqdo ay
dhex mareen kooxaha Alhijra iyo Waberi, ciyaarta kalena Kanava iyo Laciester.Waxay
labada ciyaarood kaga duwaanaayeen ciyaarihii horey loo ciyaarey  maalmihii lasoo
dhaafey u dhawaanshaha ay kooxuhu usoo dhawaadeen  gabagabada tartanka iyo is
lahaysiinta abaal marinta kama dambaysta ah, si  kastaba ha noqotee waxay ciyaartii
hore ee  dhex martay Alhijra iyo Waberi  ku dhamaatay 3-2 oo ay ku badiyeen kooxda
Alhijra, halka ay ciyaarta kalena ku dhamaatey 4-3 oo ay kooxda Kanava ku
guulaysatay inay u gudubto  wareega ugu dambeeya  ee ciyaarahan Eorosom 2009.

Labadan kooxood ayaa cayaarta kama dambesta ah isugu soo haray


Natiijooyinkii ciyarihii hore waxaa ka heli kartaa halkan hoose
http://www.somalisc.com/Schdule_EuroSom09.html

ABDIAZIZ GODAH