Waxaa haatan la soo gaaray cayaarihii Semi -finalka oo ay sanadkan u soo gudbeen seddex koox oo ka wada socda UK kuwaas oo kala ah kooxda Leicester , Ilamos  iyo London Star iyadoo ay kooxahan ka socda UK ay afareeyso kooxda Xiddigaha Rågsved oo ka socta dalkan Sweden gaar ahaan magaaladan Stockholm Koonfurteeda.

Cayaarahan xagaaga SEUKI ayaa waxeey yihiin cayaaraha ugu adag oo ay ku kulmaan kooxaha ugu magaca weyn kooxaha Soomaalida ee ka dhisan wadamadan Yurub iyadoo hadana ay kooxaha 4 ah ee haatan isugu soo haray koobkan SEUKI 2008 ay wataan cayaar aad u farsameeysan oo dadka cayaaraha daawada ay aad u jecleestaan.

Kooxaha Ilamos iyo London Star ayaa sida la wada ogyahay waxeey had iyo goor ku guuleeystaan koobabaka tirada badan ee laga dhigo UK oo ay ka dhisan yihiin kooxaha ugu badan ee Soomalida sidaa oo ay tahay ayeey labadan koox ka dhex muuqadaan kooxahaa tirada badan iyagoo had iyo goorna gaara Final ama koobabaka la dhigo ku guuleeysta.

Kooxada Xiddigaha Rågsved ayaa iyaduna waxeey ka mid tahay kooxaha magacoodu uu gaaray wadamada Yururb oo runtii waxaa la ororn karaa waa koox had iyo goor intii ay socdeen tartamadan cayaaraha xaagaaga Stockholm oo haatan 10 jirsaday  kuwa soo gaara Finalka amaba koobka ku guuleeysta.

Kooxda Leicester ayaa iyadu ku cusub cayaarahan xagaaga SEUKI balse sida qaab ciyaareedkooda ka muuqata waa koox aan xisabaata laga saari karin noqona karta kooxaha koobka looga cabsi qabo.

Cayaarihii Shaly ka dhacay garoonka weyn ee Spånga IP ayaa waxaa cayaartii koowaad wada yeeshay kooxaha Olympic Denmark iyo kooxda Ilamos cayaartan oo aheeyd cayaar aad u adag oo ay runtii labada kooxba soo bandhigeen cayaar farsamo iyo adkeeysi ay ka muuqato ayaa waxeey labadan koox ka dib markii cayaartan ay barbardhac noqdeen xilligii cayaarta loogu talagalay balse 30 daqiiqo lagu daray ku kala baxeen 4-2 ay kooxda Ilamos ku sabarsiisay kooxda Olympik Denmark iyadoo kooxda Ilamosna haatan u soo gudubtay cayaarta Semi Finalka oo ay beri la cayaari doonto kooxda London Star.

Cayaartii labaad oo iyaduna aheeyd cayaar la isku habeensaday ayaa waxaa wada cayaaray labada koox ee Tilburg Holland iyo London Star.

Cayaartan ayaa waxeey aheeyd mid dadkii daawanayey ay sawaxan iyo sacab aan kala goin ku dhiiri galinayeen labadan koox oo runtii shalay soo bandhigay cayaar aad u heersareeysa.

Cayaartan ayaa waxeey ku dhamaatay dhamaatay 3-2 ay kooxda London Star guusha uga maroorsatay kooxda Tilburg oo uu maclin u ahaa macalin Muftin guddomiyana u ahaa Mr Lagiig.

Maanata oo bishu tahay 26 ayaa waxaa ay tahay maalin nasasho ah balse berri oo ay bishu tahay 27 July ayaa waxaa garoonka weyn ee Spånga IP ka dhici doona cayaarihii Semi Finalka cayaaraha xagaaga SEUKI 2008 oo ay berri ku hardamayaan kooxaha kala ah Xiddigaha Rågsved Vs Leicester cayaarta labaadna Kooxda Ilamos Vs London Star.

Su,aasha ay dad badani is weeydiinayaa ayaa waxeey tahay kooxda Xiddigaha Rågsved ma ka dhex qaadan doontaa koobkan seddexda koox ee ka socta Uk sidii hore uga dhacay cayarihii Chamions Leage aoo ay kooxda Milan ka dhexqaadatay koobkii seddex koox oo ka soctay UK.

Cayaarahan ayaa waxaa Finalka la cayaari doonaa maalinta Talaadada ah  bishuna tahay 29July iyadoo lagu cayaari doono garoonka weyn ee cowska ah ee Spånga IP.

Maxamed Cali Shirwac

Muqdisho

shirwac@ceelbuurnet.com