Waxaa berri ka bilaabanaya garoonka weyn ee Spånga IP wareegii labaad ee cayaarihii xagaaga ee SEUKI 2007oo maalmahanba lagu guda jiray wareegoodii koowaad.

Kooxihii shalay wada cayaaray ayaa kala ahaa kooxda Sosyd iyo Qaran iyo cayaartii labaad oo ay wada cayaareen Holland iyo London Stars.

Cayaartii hore ayaa waxeey ku soo gabagaboowday 2-1 ay ku badiyeen kooxda Qaran sidoo kalena cayaartii labaad ayaa waxeey ku dhamaatay 2-1 ay ku badisay kooxda London Stars.

Cayaarihii maanta dhacay oo ahaa cayaarihii ugu danbeeyey wareegii koowad ayaa waxeey dhexmareen kooxda Olympic ( Denmark) iyo Swizerland tan labaana waxaa wada cayaaray Streatham iyo Göteborg.

Cayaarahan ayaa waxaa tii koowad badiyey kooxda Denmark oo ku badisay 11-2 ku dhan balse cayaartii labaad ee la wada sugayey ayaa ku dhamaatay 4-1 ay ku badiyeen kooxda Streatham.

Garoonka waxaa maanta marti ku ahaa oo dadweynaha maaweelinayey Fanaanadii weyneeyd ee kooxda Iftiin Xabiibo Wanaag iyo fanaanka loo yaqaano Jarmal.

Waxaa sidoo kale garoonka ku sugnaa  Universal TV oo uu masuul ka yahay Cabdulaahi Iiman.

Berri oo bishu tahay 25/7/2007 ayaa waxaa bilaabanaya cayaaraha Quarter finelka waxaana is arki doona.

Ilamos V Qaran

London Stars V Steatham

26/july

Denmark V Holland

Xiddigaha Rågsved V Halgan

Daawasho wacan

Cabdi Cumar Afrax

Stockholm