Xafladaasi oo si heer sare ah loo soo agaasime ayaa waxa ka soo qayb galay dhamaan Qunsuliyadaha ay dawladaha Afrikaanka ah ay ku leeyinh Gobolka Geargia,ganacsato, Madax kala duwan ee ka kala socotay ha'yadaha Dawliga ah iyo kuwa aan dawliga aheyn Ciyaaryahano caan ka ah Dalka Mareykanka iyo Addunkaba,iyo Jaaliyadaha kala duwan ee ku nool Gobolka Georgia iyo wafdi matalaayey Dalka Jamhuuriyadda Soomaaliya oo uu hogaaminaayey Xoghayahii hore ee Guddiga Olympigadda Soomaaliyeed ahna Gudoomiyaha Isboortiga iyo Dhaqanka Dr.Cali Cusmaan Cali iyo Halyey Cabdi Warsame Isaaq iyagoo waliba ka mid ah aasaasayaashii Atlanta Plan oo aanu fileyno in uu wax badan tari doono dhalinta soo koreysa ee Soomalia siiba xagga Waxbarashadda iyo amuuraha ku saabsan horumarinta Isboortiga.

Dr. Cali Cusmaan Cali oo ay la socdaan Ron Davis iyo Mike Spino ay waxay galeen olole ka soo qaybgalayaasha looga dhaadhicinaayo waxtarka Atlanta Plan iyo qeybahiisa kala duwan sida Arrimaha Bulshadda,Siyaasadda iyo Dhaqaalaha,waxa taa garab socotay in uu Dr.Cali Cusmaan Cali uu kulamo la yeelanaayey Aqoonyahanadda kala duwan ee ku taqasuustay arrimaha lagu hormarinaayo Bulshadda iyo isagoo nasiib u yeeshay in uu la kulmo aqoonyahan ku taqasuusay sida bulshadda looga gudbiyo dhibaatooyinka ka yimaada dagaaladda Sokeeyey taa oo uu Dr.Cali Cusmaan uu aad ugu khashuucay.

Waxaan wax ku bartay canshuurta laga uruuriyo Hooyooyinka xaabadda keeni jiray Magaaladda Muqdishu,waxaan ka mid ahaa muddo dheer Ciyaartoyda Qaranka Soomaaliyeed magaca iyo Maamuskaba ku leh,waxaan ka soo mid noqday mas;uuliyiintii wax ka soo maamulay horumarinta Isboortiga,waxaan ka mid ahaa maamuladii dhexe ee dawladdi hore ee dalka Soomalia, kuwa oo waajib iiga dhigayo in aan albaab kastaba u garaaco badbaadinta Ummadda Soomaaliyeed anigoo Shucladda Olympigada Gacanta ku wato sida waxa yiri Dr.Cali Cusmaan Cali oo marka qiireysnaa.

Waxaana Xafladaasi ka mid ahaa waxyaabaha ugu muhimsanaa markii uu Dr.Brown khudbadiisii ku soo daray ahmiyadda uu Atlanta Plan u leeyahay Dawladaha soo koraayo,isagoo si gaar ah ugu mahadceliyey Dawladihii aasaasayasha u ahaa oo ay ka mid tahay Dawladda Soomaliya oo mar kastaba uga qayb galay Dr.Cali Csumaan Cali iyo Cabdi Warsame Isaaq.

Ugu dambeyntii Dr. Cali Cusmaan Cali waxa uu magaca Ummadda Soomaaliyeed iyo jaaliyadaha kala duwan ee ka jira Atlanta ugu hambalyeye Dr. Brown jagada loo caleemo saaray isagoo u rajeyey in uu Ilaah u fududeeyo xilkaan Culus ee la saaray,uuna sheegay in uu yahay Aabaha Atlanta Plan.waxayna xafladii ay ku soo dhamaatay si heer sare ah.