Doraad oo ay bishu aheeyd 22 July ayaa waxaa garoonka weyn ee Spånga IP waxaa ka dhacay cayaarihii ugu danbeeyey isaraga koowaad ee cayaaraha xagaaga SEUKI 2008 iyadoo ay isku arkeen kooxda Tilburg oo ka socta Holland iyo kooxda Sokoa oo ka soctay Norway.

Cayaartan ayaa waxeey kooxda Holland kooxda Norway ugu awood sheegatay 4-0 iyadoo haatana laba kooxb ay u soo gudbeen wareega labaad ee cayaarahan oo maanta bilaaban doona.

Cayartii labaad doraad oo ay wada yeesheen kooxda Sonpet Finland iyo London Star oo ka socta England ayaa waxeey aheeyd cayaar ay kooxda Sonpet oo hore looga badiyey 3 cayaar ay ku raaxeeystaan.

Cayaartan ayaa waxaa kooxda Sonpet ay 6-2 ku sagootisay kooxda London Star oo haatan sidoo kale wareega labaad ee cayaaraha u soo gudubtay maadama group B ay ahaayeen 5 koox ayaa London Star waxeey noqotay kooxdii groupkaa laga soo qaaday.

Cayaarahan ka dhacay garoonka weyn ee Spånga IP ayaa waxaa dhanka fanka dadweynaha maaweelinayey Al Fanaan Jeeri ,  Abdi Fataax iyo fanaanadii weeyneyd ee codka macaaneyd Raxma Ruuxi.

Maxamed Cali Shirwac

Muqdisho

shirwac@ceelbuurnet.com