Cayaarihii xagaaga SEUKI 2009 ayaa wali waxeey si habsami leh uga socdaan garoonka weyn ee Spånga IP iyadoo shalayna ay cayaartii koowaad wada cayaareen kooxaha Neutral oo ka soctay Göteborg iyo wadni oo ka soctay dalka Denmark.

Cayaartan oo aheeyd mid isku dheeli tiran ayaa waxaa 1-0 ku badiyey kooxdii ka soctay magaalada Göteborg.

Cayaartii labaad oo ay dadku wada sugayeen ayaa waxaa shalay ku ballansanaa kooxda Xiddigaha Rågsved iyo Drejv Plus oo ka soctay dalka Norway horena uga soo badiyey kooxdii Championka sanadkii hore ee London Star.

Ka hor inta aysan bilaaban cayaartan ayaa waxaa halkaa kahadlay guddoomiyaha kooxda xiddigaha Rågsved Cabudulaahi Cali Qoslaaye oo loo yaqaan Carabeey isagoo halkaa ka jeediyey tacsi uu u dirayo reerkii iyo uu ka geeriyooday marxuum Axmed Ibraahim oo loo yaqiin Romario oo sandkii hore ka tirsanaa kooxda Xiddigaha Rågsved balse lagu dilay magaaladan Stockholm

Kooxda xiddigaha Rågsved ayaa waxeey soo xirteen funaanado cad cad oo lagu soo qoray magaca marxuumka iyagoo ka dibna uu guddoomiyaha iyo waliba cayaaryahan Cabdisalaan dadka ka codsadeen in marxuunka maadama aan nahay umad muslim ah faataxada loo akhriyo loona duceeyo si wada jir ah .

Ka dib waxaa uu guddoomiye Carabeey guddoonsiiyey funanadii uu ku cayaari jiray marxuumka oo aheeyd NR 10 marxuumka walaalkiis wuxuuna sheegay in kooxdu ay go,aan ku gaartay in aan funaanadaa Nr 10 ka ah aan dib danbe loogu ciyaari doonin oo aan ciyaartooy kale la siin doonin iyadoo hadiyo loo siiyey familka uu marxuumku ka tagay.

Sidoo kale waxeey kooxda xiddigaha Rågsved funaanado ay ku qornaayeen magaca marxuumka ay guddoonsiiyeen Kerstin Gusttavsson iyo Agneta oo ka soctay wasaaradda Sportiga ee dalkan Sweden iyo sidoo kale Ulla oo ka socday Studiefrämjandet sidoo kale waxa ay gudoonsiiyeen guddoomiyaha ururuka SEUKI Mr Shuute

Cayaartooydii kooxda xiddigaha ayaa ka dib waxey ku carareen tarbuunka ay dadku fadhiyeen iyagoo ka dib u qeeybiyey dadkii u soo daawashada tagay cayaarahan funaanadihii uu ku qornaa marxuum Romario.

Waxaa sidoo kale shalay kooxda Xiddigaha Rågsved ay Sponsar ka heleen Shirkadda xawaalada Dahabshiil oo uu maamulahooda Stockhholm MudameMaxamuud Sheekh Ibraahim uu guddoomiyaha kooxda guddoonsiiyey funaanado ay kooxdu ku cayaarto oo ku qoran magaca shirkadda iyadoo ay Dahabshiil sidoo kale Sponsargareeysay cayaarahan xagaaga SEUKI 2009 iyadoo wada shaqeeyn la leh ururweynaha SEUKI oo ah ururka soo qaban qaabiya cayaarahan.

Ka dib waxaa bilaabatay cayaartii la wada sugayey iyadoo kooxda xiddigaha ay dirqi shalay uga baxsatay kooxda Drejv Plus oo ka socta Norway oo aan sanadkan Stockholm kaftan u iman balse la soo shir tagtay cayaar aad u adag iyagoo cayaartii horena koxdii Championka aheeyd 1-0  uga soo badiyey.

Cayaarta Groupkan la wada sugayo oo ilaa hadda ay dadku ka wada hadlayaan ayaa ah cayaarta maalinta Axadda hadii allaha awooda lihi ogolaado dhexmari doonta kooxda Xiddigaha Rågsved oo 3 dhibcood haatan wadata iyo kooxda London Star oo aan wax dhibco ah wadan

Shalay ayaa waxaa garoonka soo gaaray Guddoomiyaha Sportiga North Ameerika Axmed Cabdikariin Walaayo oo loo yaqaan Cantar Jeenyo oo cayaarahan uga yimid dalka Canada kana mid ah cayaaryahanadii waqtiyadii barisamaadka ugu caansanaa dalkeena sidoo kale waxaa joogay isna Bashiir Jeenyo , Cali Kaamil Cali ,Boss Caato Maxamed Muuse ,Ibraahim Galbeeyte , Abuukar Cabdulle Dhabareey iyo dad kaloo fara badan oo aan halkan ku soo koobi karin.

Isku soo wada duuboo jawiga shalay ee garoonka Spånga IP ayaa wuxuu ahaa mid aan caadi aheeyn.