Cayaar ka tirsaneeyd cayaarihii ugu danbeeyey ee wareega koowaad oo maanta soo gabagaboobi doona ayaa waxaa shalay iskaga horyimid kooxaha Tilburg oo ka soctay Holland iyo Sonpet oo ka soctay Finland cayaarahan shalay oo ahaa kuwo aad u adag waliba cayaartii danbe ee dhexmartay London Star iyo Oslo Star.

Cayaartii hore ayaa waxaa wada cayaaray kooxda Tilburg iyo Sonpet iyadoo cayaartan ay kooxda Holland aad ugu gacan sareeyeen runtiina muujiyeen cayaar farsamadeedu ay aad u sareeyso.

Kooxda Finland ayaa iyadu waxeey aheeyd kooxaha ugu wanaagsan dhanka anshaxa iyo aadaabta marka la fiiriyo cayaaraha aya hore u soo cayaartay iyadoo ay kooxda hogaaminayaan maamul aad iyo aad u wanaagsan kooxdana ka adag.

Cayaartan ayaa waxeey gabagabdii ku dhamaatay 4-0 ay kooxda Tilburg uga badisay kooxda Sonpet.

Cayaartii labaad oo shalay ay dadku wada sugayeen ayaa waxaa isku arkay kooxda London Star iyo Oslo Star labadan koox oo shalay soo bandhigay cayaar adag oo dadkii daawanayey ay jecleeysteen ayaad waxaad mooday in kooxda Oslo Star ay wax xoogaa ka firfircoonaayeen koxda London Star qeeybtii hore ee cayaarta iyagoo goolkii koowaadna kaga hormaray.

Qeeybtii danbe ee cayaarta ayaa waxaa ay kooxda London Star badaleen qaab ciyaaroodkooda iyagoo markii danbana hubsaday ineey kooxda Oslo Star kaga badiyaan 5-2 ku dhan.

Cayaarahan xagaaga SEUKI 2008 oo sanadkan kooxaha aka cayaaraya ay aad u wada adag yihiin ayaa waxaa maanta ugu danbeeysay wareega koowaad ee cayaarahan iyadoo isla berrina ay bilaaban doonto cayaarta Quarterfinelka oo ay isla berriba wada cayaari doonaan labada koox ee ka wada dhisan magaalada Stockholm waa kooxha Qaran oo ka dhisan wuqooyiga Stockholm iyo Xiddigaha Rågsved oo ka dhisan koonfurta magaalada Stockholm.

Maxamed Cali Shirwac

Muqdisho

shirwac@ceelbuurnet.com