Koobka ugu adag uguna taageerayaasha badan ee ka dhaca Yurub ee lagu magacaabo SEUKI 2008 ayaa wali wuxuu si habsami leh uga socdaa garoonka weyn ee Spånga IP yadoo haatana uu koobkani ku soo dhawaaday wareegii labaad ee cayaarahan oo ay ku looltami doonaan 8 kooxood.

Koobkan oo ay ka cayaaraan kooxaha ugu magac weyn ee ka dhisan wadamada Yurub ayaa waxaa maalin kasta u soo daawasho taga shacab aad u tira badan iyadoo shacabkana ay kala taageeraan kooxha ku hardamaya tartankan.

Tartankan oo maalmahanba si habsami leh uga socday garoonka weyn ee Spånga IP ayaa waxaa shalay wada cayaaray kooxaha Olympik Denmark iyo kooxda Irland.

Cayaartan ayeey kooxda Olympic ku qasbaneeyd ineey badiso si ay ugu soo gudubto wareega labaad ee cayaarahan SEUKI 2008.

Kooxda Denmark oo runtii ka mid ah kooxaha looga cabsi qabo koobka ayaa sanadkii hore waxaa looga badiyey cayaartii finelka balse waxeey Denmark cayaartan ay la yeesheen shalay kooxda Irland uga badiyeen 4-2.

Cayaartii labaad ee shalay ka dhacday ayaa aheeyd cayaartii ilaa hadda ugu qurxaneeyd intii uu tartanku socday iyadoo ay ku kulmeen kooxaha Xiddigaha Rågsved iyo kooxda Licester oo ka soctay dalka Uk.

Kooxda Licester ayaa shalay waxeey soo bandhigtay cayaar dadkii daawanayey soo jiidatay inkastoo looga badiyey 3-1 haddana kooxdu waxeey muujiyeen ineey ka mid yihiin kooxaha u qalma ineey koobka qaadaan.

Cayaarahan ayaa waxaa garab socday bandhig faneed halkaa oo uu dadweynaha maaweelinayey Al- Fanaan Cabdi Fataax oo uu Dj u aha Xasan Wuqooyi.

Garoonka Shalay ayaa mar qura waxaa ku kulmay bahda warbaahinta oo ay ka mid ahaayeen Universal TV , Warsan TV , TV Horseed , iyo Somalistar TV.

Maxamed Cali Shirwac

Muqdisho

shirwac@ceelbuurnet.com