Cayaaro aad u xiiso badan ayaa shalay ka dhacay garoonka weyn ee Spånga IP iyadoo ay cayaartii hore fooda is dareen kooxda Holland iyo kooxda Husby .

Cayaartan ayaa waxaad mooday in isku dheeli tirneeyd qeeybteedii hore balse kooxda Holland ayaa u awood sheegatay kooxda Husby qeeybtii danbe iyadoo cayaartu ay ku dhamaatay 4-1 ay guushu ku raacday kooxda Holland oo ay ka muuqato ineey sanadkan gaari doonto meelaha ugu danbeeya.

Cayaartii labaad oo aheeyd mid aad u xamaasad badan ayaa waxaa fooda is daray labada koox ee Rinkeby Star iyo Oslo Norway cayaartan oo aheeyd mid ay dadku fadhiisan waayeen sawaxankuna uu aad u badnaa ayaa waxeey labadan koox isla dhaafi waayeen 2-2 .

Cayaarahan shalay ayaa waxaa goobjoog ka ahaa wafdigii xiriirka kubadda cagta Jabuuti , waxaa kaloo shalay garoonka soo gaaray fanaankii weeynaa Xasan Adan Samatar ,Guddoomiyaha ururka SKIF Abuukar Adan Deeqow ( Boss Caato),Xubin GOS Maxamed Muuse Jabroos ,Abuukar Cabdulle Dhabareey,sidoo kale waxaa garoonka soo gaaray sarkaal ka soctay hay,adda cayaaraha Sweden.

Cayaarahan ayaa waxaa ka soo qeyb galay dadweyne aad u fara badan iyadoo jawiguna ahaa mid aad u qurux badan oo uusan kuleeyl iyo qaboowba laheeyn.