Cayaarihii xiisaha lahaa ee maalmahanba ka socday garoonka weyn ee Spånga IP ayaa shalay waxaa isku arkay kooxha Sokoa oo maalmahan la qaban la,ayahay iyo kooxda Oslo Star oo ka wada socday dalka Norway halka ay cayaartii labaadna shalay isku arkeen kooxda Tilburg oo ka soctay dalka Holland iyo kooxda London Star oo ka dhisan xaafadda Wembley ee magaalada London.

Cayaarahan oo aad u xiisa badnaa ayaa waxaa cayaartii koowaad wada cayaaray kooxda Sokoa iyo kooxda Oslo Star iyadoo ay labada kooxba soo bandhigeen cayaar aad u heersareeysay oo uu dadku jecleeystay ayaa waxaa ay ku soo gabagabooday 1-0

Cayaartii labaad oo uu dadku wada sugayey ayaa waxaa shalay isku arkay kooxda Tilburg oo ka soctay dalka Holland iyo kooxda London Star oo ka soctay dalka UK.

Cayaartan ayeey kooxda London Star oo cayaartii hore ay ka maqnaayeen cayaartooy muhiim ah sida goolhayaha kooxda Maxamed waxaa haatan u yimid cayaartooydii ka maqneeyd iyadoo uu sida uu sheegay macallin Daahir Gacameey ay kooxdu haatan diyaarsan tahay.

Cayaartan oo aad u qurux badneey ayaa waxaa ay guushu ku raacday kooxda London Star oo kooxda Tilburg oo iyaga xitaa ay ka maqnaayeen cayaartooy badan kaga badiyeen 2-0

Cayaarahan ayaa waxaa maalin kasta soo buux dhaafiya dadwenaha cayaaraha xiiseeya ee reer Stockholm iyadoo aadba moodo in aysan wax cayaara ah oo kale aysan ka jirin magaalada inkastoo ay meel aan sidaa uga sii fogeyn garoonkan uu ka socdo tartan kale oo sidan oo kale ah.

Maxamed Cali Shirwac

Muqdisho

shirwac@ceelbuurnet.com