Xulka kubadda cagta Soomaliya ayaa waxeey maanta cayaar  ku aadaneeyd isreereebka cayaaraha aduunka la yeelatay xulka qaranka Jabuuti cayaartaas oo xulka Soomaliyeed lagu sagootiyey 1-0.

Xulka qaranka Soomaliya ayaa marka la fiiryo liiska fifa ka horeeya xulka Jabuuti waxeeyn dad fara badani sugayeen in xulka Soomaliya uu si fufud uga badin doono xulka Jabuuti xitaa hadii uu badis waayo inuusan barbardhac weyneyn balse taasi ma noqon oo xulka Somaliya waxeey qaadeen wadadii ay awalba qaadi jireen ee aheeyd ineey helaan guuldaro.

Sidoo kale ayaa kol hore tartanka Al-Amudi ee ka dhacaya dalka Itoobiya ayaa xulka Soomaliya looga badiyey goolal aan dadku maleeysan karin waloow xulkeena Soomaliya ay ka yimaadeen dal uu dagaal iyo foowdo ka jirto haddana waxaa la sugayey ineey mar uun guul gaaraan.

Sanadkan ayuu guddomiyaha cusub ee xiriirka kubadda cagta Saciid Mugaabe ogolaaday in cayaartooy xoojisa xulka qaranka laga soo qaato dhalinyarada qurbojoogta ah oo iyagu heeysta  fursado badan oo ay ka mid yihiin garoomo ay tabar ku sameeyaan , kooxo mararka qaar ay tabar la sameeyaan , daawo iyo wax kastoo looga baahan yahay inuu heeysto qof cayartooy ah.

Maadaama guuldarada xulka qaranka Soomaliya uu iska noqday mid caadi ah ayaa waxaa hadda la soo gaaray xilligii xulka qaranka soomaliya lagu  tijaabin lahaa dhalinyarada qurbaha ku nool oo iyagu wax badan ka chance badan dhalinyarada uu madfaca iyo huubiyuhu dushooda ka dhacayo.

Dalka Senigal ayaa hore waxeey guul ku gaareen cayaartooyda wadamada Yururb ku nool oo asal ahaan ka soo jeeday Senigal waloow ay ciyaartooydaasi u cayaarayeen kooxo waaweeyn oo dalalka Yurub ka dhisan.

Waxaan hubaa hadii xulka Soomaliya laga xulo cayaartooyda dibadda ku nool oo qaarkood si aad ah u muuqda sida C/salaan Cadaay oo kooxda Manchester ay gadatay , Ciise Dheere oo hadda koox Norway ah ay heshiis la gashay ,  Cabdi Walaalo oo hadda heshiis la gali raba koox weyn oo ka dhisan dalkan Sweden , Romario , Cabdisalaan , Deenish , oo ka  dhexmuuqada cayaartooyda qurbajoogta soomalida iyo inan kooxda Denmark u qaata nr 6 aad oo hadda u safta xulka dhalinyarada ah ee Norway , Daaud oo isna u safta dhalinyarada Juvantus , iyo cayaartooy fara badan oo ka cayaara cayaaraha xagaaga Soomalida oo laga heli karo cayaartooy tayo leh isla markaana loo dhiibo macalin ciyaalka qurbaha fahmi kara sida macallin Daahir Gacameey oo sanadkii hore qaatay macalinka ugu wanaagsan Yurub iyo North Amerika.

Fikraddan xulka qaranka ayaa waxaa sanadkii hore laga bilaabay Stockholm iyo ururka Seuki iyadoo sidoo kale cayaartooy xul ahna oo uu waday macallin Daahir ay ka qeyb galeen tartanka Inter City ee ka dhaca London halkaas oo ay kooxda ku ciyaareeysay magaca Soomalida guul wanaagsan ka gaareen.

Maqaalkan ayaan waxaan ku soo xirayaa maadama xilligan la joogo xilligii la tijaabin lahaa cayaartooyda qurbaha chance iyaga ha la siiyo.

Cabdi Cumar Afrah

Stockholm