Cayaaro ka tirsan cayaarihii maalmahanba ka socday garoonka weyn ee Sånga IP ayaa waxaa shalay fooda is daray kooxaha Olymic Denmark  iyo Leicester iyo waliba kooxaha Xiddigaha Rågsved oo la cayaartay kooxda Irland kooxahan oo ka wada tirsanaa group A.

Cayaartii hore oo ay isku arkeen kooxaha Denmark iyo Leicester ayaa waxeey aheeyd cayaar ay labada kooxoodba muujiyeen cayaar wanaag iyadoo goolka ay la hormartay kooxda Leicester oo runtii wacdaro sanadkan oo ay ku cusub yihiin cayaarahan ka muujiyey garoonka Spånga IP iyagoo runtii wata cayaartooy tayo leh.

Cayaartan oo aheeyd mid aad u kulu ayaa waxeey gabgabadeedi ku dhamaatay 4-2 ay kooxda  Olymic Denmark uga badiyeen kooxdii ka soctay magaalada Leicester.

Cayaartii labaad oo ay wada cayaareen kooxda Xiddigaha Rågsved iyo kooxda Irland ayaa waxeey aheeyd cayaar aad u qurux badan oo dadweynihii daawanayey ay ku raaxeeysteen iyadoo kooxda Irland ay untii sandkan la yimaadeen cayaartooy tayo leh oo aad u cayaar wanaagsan.

Kooxda Xiddigaha Rågsved ayaa waxaa cayaartan u cayaarayey cayaartooy ka maqneeyd cayaartii koowaad ayna ka mid yihiin Romario oo ka tirsan kooxdan balse ku maqnaa Dalka Jabuuti oo uu haatan xulkooda ka tirsan yahay iyo Cabdi Walaalo oo isagana ah gool dhaliyaha kooxda Xiddigaha Rågsved , waxaa kaloo shalay garoonka lagu arkay cayaaryahan Saalim oo kooxda ka tirsanaa intii ay soo jirtay oo dhan mudooyinkana ku maqnaa cariga Mareeykanka.

Cayaartan ayaa waxeey ku dhamaatay 2-0 ay kooxda Xiddigaha Rågsved diyuuradda ku saartay kooxda Irland.

Kooxda Xiddigaha Rågsved ayaa waxeey haatan u soo gudubtay wareegga labaad ee cayaarahan xagaaga SEUKI 2008.

Maanta ayaa waxaa dhici doona cayaaro xiiso leh iyadoo ay wada cayaari doonaan kooxaha Sonpet oo ka socta dalka  Finland iyo Oslo Star cayaarta labaadna waxaa wada cayaari doona kooxaha Sokoa oo ka socta magaalada Bergan ee dalka Norway iyo kooxda London Star oo xalay ka soo degtay groonka diyuurada ee Arlanda  kana soo duulay magaalada Toronto oo ay ku soo cayaareen cayaartii Finelka ee Cayaaraha lagu qabto Canada.

Maxamed Cali Shirwac

Muqdisho

shirwac@ceelbuurnet.com