Shir iyo casho sharafeed loogu gogol xaarayey shirsanadeedka uu yeelanayo ururka SEUKI taasoo lagu sameeyn doono qorituurka cayaaraha xagaaga SEUKI 2008 ayaa wuxuu xalay ka dhacay Restorontiga lagu magacaabo The Village oo ku taal xaafadda Fulham ee magaalada London.

Shirkan oo ay u dhamaayeen soona qabanqaabiyeen kooxaha martida loo noqon doono xilliga qorituurka oo  dhici doona  18 April iyo waliba xubno ka tirsan SEUKI London ayaa waxaa looga hadlayey qaabka loo maareyn doono shirweynaha ururka iyadoo xubnaha SEUKI / London ay ku ballameen in ay si wanaagsan u marti galiyaan dhamaan madaxda kooxaha kale ee ka kala imanaya wadamada Yururb iyo waliba xubnaha guddiga SEUKI.

Shirsanadeedkan ayaa hore waxaa loogu qaban jiray magaalada Stockholm balse ka dib markii uu ururku u arkay in ay wanaagsan tahay in maamulida qorituurka la wareejiyo oo hadba wadankii ka bixi kara lagu sharfo ayaa waxaa sanadkan qaatay UK oo ay ka imaanayaan 3 kooxood oo kala ah London Stars ,Ilamos iyo Streatham.

Shirkan xalay oo ay wada qaateen Guddoomiyaha iyo Gudd.farsamada SEUKI iyo dhamaan xubnaha SEUKI / London martina uu ku ahaa macalinka xulka Qaranka Soomaliya Macallin Dahir Boodaaye ayaa waxaa halkaa lagu kala qaatay warbixino muhiim ah oo ku saabsan sidii loo hormarin lahaa cayaaraha xagaaga SEUKI iyo sidii wada shaqeeyn wanaagsan loola yeelan lahaa ururka Sportiga ee EuroSom oo dhawaan heshiis wada shaqeyn ah ay dhexmartay ururka SEUKI.

Shirkan ayaa waxaa goobjoog ahaa dadka hoos ku qoran.

Maxamed Khaliif , Maxamed Cali Weerow , Bile Cali , Cabdirizaak Seef iyo Shukri oo ka socday SEUKI/London .

Axmed Bile iyo Macallin Zakariya oo ka socday kooxda Ilamos

Daahir Gacameey iyo Xasan Dhuudhi oo ka socday kooxda London Star

Xarbi iyo Dalmar oo ka socday kooxda Streatham

Daahir Boodaaaye oo ah macallinka xulka qaranka Soomaliya oo ahaa marti ka yimid Canada

Gudd. Afrax iyo Gudd.farsamada Shuute Shariif oo ka socday SEUKI / SWEDEN.

Shirkan ayaa wuxuu ku dhamaaday jawi wanaagsan iyadoo xubnaha Londona ay dhigteen ballan si ay u qeybsadaan hoowsha baaxadda leh ee qabanqaabinta qorituurka insha allah 18 April ka dhici doona magaalada London.

Mohamed Sheikh Nuur
shikha114q@hotmail.com