Garsoore Soomali ah oo qabta cayaaraha Division 7 ka dalkan Sweden ayaa shalay mar uu dhexdhexaadinayey cayaar ka tirsan isaragga cayaarahan waxaa dhaawacyo culus gaarsiiyey kooxda Svenska-Syrianska IF cayaartan oo lagu cayaarayey garoonka Sundbybergs IP.

Islamarkii ay cayaartii uu garsoore Saciid dhexdhexaadinayey dhamaatay ayaa waxaa mar qura weerar ku soo qaaday cayaartooydii kooxda Assrianka iyagoo ku dhawaaqayey kalmado cunsurinimo  ku jirto oo ay ka mid yihiin " Waxaad tahay adoon waligaana waad ahaan doontaa " iyo kalmado kale oo la mid ah.

Weerarkan lagu qaaday garsoore Saciid Cali ayaa waxaa uu sababay in Saciid ay gacan ka jabto isla markaana uu miir beelo maadama ay dhowr mar ku dhaceen laadad xooggan oo ay dhowr qof ku wada dhufanayeen.

Weerarka lagu qaaday Saciid ayaa wuxuu biloowday markii mid ka mid ah cayartooyda kooxda Assyriyanka uu ku qeyliyey Saciid oo uu ku yiri  " Adoonyahoow yeeri siiriga oo noo dhig foul kooxda Swedhiska ahba waad u dhigeeysaaye" Markii uu Saciid calamadda Casaanka ah siiyey Cayaarhankaa ayuu maadama xilligii cayaarta ay dhamaatay wuxuu yeeriyey siirigii isagoo cayaartii dhameeyey  ka dib ayaa waxaa u yimid Goolhayihii kooxda oo Feer ku bilaabay Saciid markii uu dhacyna waxaa wajiga ka laaday dhowr cayaartooy isagoo ka dib miir beelay oo soo baraarugay xilli uu joogay Cisbitaalka.

Sida uu Saciid Sheegay markii la geeyey Cisbitalka S:t Göran oo lagu geeyey Ambulans ayuu sheegay inuu isku dayayey inuu is difaaco sidaa aawgeedna ay gacanii ka jabtay isla markaana uu xaalad miyir beel ah  ku dhacay marnana uusan filaneynin in arintan oo kale ay ku dhici karto.

Cabdi Cumar Afrax

Stockholm