Waxaa maanta oo talaado aheeyd garoonka weyn ee Spånga IP iskaga hor yimid kooxo ka wada tirsanaa group C kuwaas oo kala ahaa kooxda Steatham Vs Ilamos iyo Qaran Vs Göteborg.

Cayaartii koowaad oo ay wada cayaareen kooxda Ilamos iyo Streatham ayaa aheeyd cayaar kulul maadama ay laba kooxoodba hore aysan wax dhibco ah u heeysan maadama labadaba laga soo badiyey.

Cayaartan ayaa waxaa gool ku hormaray kooxda Streatham balse ka dib markii ay kooxda Ilamos jaanta isla qaadeen ayaa waxeey cayaartii ku soo gabagaboowday 5-1 ku dhan oo ay kooxda Ilamos ku badiyeen.

Cayaartii labaad ayaa waxaa wada yeeshay Kooxda garoonka weyn ee Spånga ugu taageerada badan ee Qaran iyo Göteborg cayaartan oo aheeyd cayaar aad u heer sareeysa runtiina ay dad aad u farabadan oo u badan taageerayaasha Qaran oo soo buux dhaafiyey garoonka.

Cayaartan ayaa waxeey  qeeybteedii koowaad ku dhamaatay 1-0 ay ku hogaamineeyso kooxda Qaran. 

Qeeybtii danbe ee cayaarta ayeey kooxda Qaran waxeey dhalisay goolkii labaad iyadoo cayaartiina ku dhamaatay 2-0 ay kooxda Qaran ku dirtay kooxda Göteborg.

Kooxda Qaran ayaa waxeey haatan heeystaa 6 dhibcood iyadoo u soo gudubtay wareega labaad ee cayaarahan balse kooxda Ilamos oo iyadana shalay badisay balse guuldaro la kulantay cayaarteedi koowaad ayaa cayaarta ay kooxda Qaran la yeelan doonto maalinta Jimcaha ah waxeey noqon doontaan mid ay Ilamos ku qasaban tahay ineey badiso si ay waeega labaad ee tartankan ugu soo gudubto.

Maxmed Cali Shirwac

Muqdisho

shirwac@ceelbuurnet.com