Cayaarihii Somali Sport Leage ee ka socday galbeedka magaalada London ayaa maalintoodii labaad galay shalay iyadoo ay wada cayaareen kooxaha Hil Top iyo Halgan cayaarta labaadna Leicester iyo Wembley United.

Cayaarahan oo aad u xiiso badnaa ayaa waxaa cayaartii hore wada cayaaray kooxha Hill Top iyo Halgan iyadoo cayaartana ay guushii la hoyatay kooxda Hill Top oo 3-2 uga badisay kooxda Halgan.

Cayaartii labaad ayaa waxaa iyadana fooda is daray kooxaha Leicecter oo iyadu ka dhisan isla magaaladaa Leiscecter iyo kooxda Wembley United oo ka dhisan xaafadda Wembley.

Cayaartan oo aad u adkeyd ayaa waxaa kooxda Leicecter ay Wembley kaga guuleeysatay 4-3.

Cayaarahan ka socda galbeedka magaalada London oo ay soo qabanqaabiyeen ururka Somali Sport Leage ayaa waxaa yihiin cayaaro ay ka qeyb qaadanayaan kooxo aad u farsamo badan kuwaasoo ay ka mid yihiin London Stars , Ilamos , Halgan , Al- Hijra , Leicecter , Wembley United , Hill Top iyo waliba Horseed.

Kooxahan ayaa ilaa hadda waxaa soo badiyey Ilamos ,London Star , Leicecter iyo Hill Top waxeeyna leeyihiin min 3 Dhibcood .

Cayaarahan ayaa ilaa haatan wax barbardhac ah aysan ku dhamaan iyadoo Jimcaha soo socdana aya wada cayaari doonaan Ilamos Vs Al-Hijra iyo Horseed Vs London Stars.

Cabdi Cumar Afrax

London