Waxaa Maanta oo ay bishu tahay 12 July biloowday imaanshaha kooxihii ka qeyb galilahaa cayaaraha xagaaga SEUKI 2007 iyadoo maantana ay soo dagayaan kooxaha Finland , Holland , Norway , iyo kooxda Halgan oo ka socta England.

Kooxahan ayaa waxeey u soo diyaargaroobeen sidii ay Tournementtigan uga qeyb qaadan lahaayeen iyadoo koox waqlba ay xisaabta ku soo darsatay ineey koobka sanadkan hanato.

Waxaa iyaguna howlahoodii ay gabogabo mareeysaa ururka qabanqaabada oo iyago howlahooda soo waday muddo sanad ah iyagoo diyaariyey sanadkan garoon cagaar ah isla markaana ku xiray fadhigii ay daawadayaashu fariisan lahaayeen iyagoo waliba martida ugu tala galay fadhi VIP ah oo martida u qaas.

Waxaa kale oo uu ururku diyaariyey dhalinyaro ka timid xafiiska shaqada isla markaana mudadan 2 week ah ka shaqeeynaya garoonka nadaafadiisa iyo waliba soo qabashada kubadda dhalintan oo ka muuqada sawirkan kore.

Cayaarahan ayaa waxaa ay furmayaan maalinta 14 July oo ku beegan sabtigan soo socda iyadoo ay cayaarta koowaadna furayaan kooxdii koobkii hore haysatay ee xiddigaha Rågsved iyo kooxda Sonpet ee dalka Finland.

Cayaarahan ayaa waxeey leeyihiin xiiso gaar ah maadama ay isku arkayaan kooxha kala heeysta koobabka Canada iyo England iyo Sweden kuwaasoo kala ah Xiddigaha Rågsved oo heeysata koobkii SEUKI 2006 , London Stars oo heeysta koobkii ka dhacay Toronto 2007 iyo Ilamos oo heeysata koobkii ka dhacay North London 2007.

Garaad Salaad Xirsi

garaadcadde@hotmail.com