Ururada waaweeyn ee EuroSom iyo SEUKI ayaa ku dhiiraday markii ugu horeeysay in ay wada saxiixdaan heshiis ay labada urur ku mideeynayaan waxqabadkooda islamarkaana horseed u noqon kara wada shaqeyn buuxda oo dhexmarta dhamaan ururada Sport ee ka dhisan Yurub iyo Amerika.

Labadan urur oo hore uga wada tirsanaa tartankii xaaga ee ka dhici jiray Stockholm ayaa ururka EuroSom waxaa uu gooni isku taagay sanadkii 2003 halka ururka SEUKI na uu maamul gaar ah sameeystay 2005.

Labadan urur ayaa ka dib markii ay arkeen baahida loo qabo in si wada jir ah wax loogu qabto Sportiga Somaalida qurbajoogta ah iyo kan Soomaliyaba waxeey isla meel dhigeen ama kala saxiixden qudaba hoos ku qoran .

1- Qabashada cayaaro saaxiibtinimo oo isu soo dhaweeyan kara dhalinyarada ka qeybgaleeysa tartanada ay qabanqaabiyaan labada urur.

2- Soo wada xulidda ciyaartooyda mustaqbalka fiican ku leh ciyaaraha kala duwan si ay ugu raadiyaan naadiyo ay la tababartaan si loogu kordhiyo xirfadaha iyo tayada aqooneed isla markaana u matalaan dalkoodii hooyo.

3- Sameynta guddi farsamo oo ka kooban labada dhinac oo arintaas fulinteeda iyo ka mira dhalinteeda u xilsaaran.

4-In ay si wada jir ah u raadiyaan dhaqaalihii lagu fulin lahaa tartanada ayqeybgalayaan cayaartooyda magaca Soomaliyeed mataleeysa.

5- Isla socodsiinta tartanada iyo barnaamijyada kale ee labada urur soo qabanqaabiyaan si ay u fududaato howlaha wada shaqeeyneed.

6- In labada dhinac ay is weeydaarsadaan aqoon kororsi iyo waaya-aragnimo ku saabsan xirfadaha kala duwan ee hormarinta dhalinyarada Soomaliyeed.

Labadan urur waxeey mahad gaar ah u celinayaan guddiga Olompikada Soomaliyeed oo iyagu ku dadaalay in uu dib u habeyn ku sameeyo sharciyadii GOS , kaas oo u sahlay in uu si hufan u guto waajibbaadkaas.

Heshiiskan ayaa waxeey labada urur ee EuroSom iyo SEUKI ku kala saxiixdeen magaalada Leicester uu uu ka dhacayey shirsanadeedka iyo qorituurka 2008 ee ururka EuroSom iyadoo ay heshiiskana dhanka EuroSom uu u saxiixay guddoomiye Maxamed Diini dhanka SEUKI na uu u saxiixay guddoomiye Cabdi Cumar Afrax.

Goobta uu heshiiskan ka dhacay ayaa waxaa ku sugnaa masuuliyiin ka soctay Guddiga Olompikada Soomaliya iyo odayaal Sport oo ciso iyo sharafba ku dhex leh bahda Sportiga waxaana masuuliyiintii  halkaa joogatay ka mid ah.

Guddomiye ku xigeenka guddiga Olompikada Soomaliya Mudane Duran Farax Axmed

Guddoomiye ku xigeenka xiriirka kubadda koleyga Soomaliya Mudane Baana Cabdalla Cali

Tababaraha xulka kubadda koleyga Soomaliya Mudane Cumar Anyeelo

Guddomiyaha iyo guddomiye ku xigeenka naadiga Elman ee Soomaliya Mudane Axmednuur Cabdulle iyo Cabdulqaadir Axmed Jamac.

Waaxaa kaloo halkaa goobjoog ku ahaa odayaal Sportiga Soomaliya magac ku lahaa oo ay ka mid yihiin Prof. Muusa Maxamed Naasir oo dadku ay u yaqaanaan Macalin Muusa shirkana uga yimid magaalada Canada.

Adan Maxamed Nuur ( Oor)

Macallin Bashiir Cabdi Daahir

Muriidi Zien

Axmed Sabriye Gaaboow

Cabdulqaadir Maxamed Faarax ( Birirq).

Shirkan oo ay soo qabanqaabiyeen EusoSom Leicester oo uu hormuud u yahay Cabdullahi Axmed Saneey ayaa dhanka SEUKI waxaa uga qeyb galay Gudoomiyaha ururka Cabdi Cumar Afrax iyo Guddoomiya farsamada SEUKI Sheekh Mukhtaar Shuute halka dhanka EuroSom ay uga qeybgaleen Guddoomiye Maxamed Diini iyo Xogheynta Maxamed Cali Looloow.

Waxaa iyaduna xusid mudan in dhamaan xubnaha ururka EuroSom ay halkaa ku dhamaayeen iyadoo uu halkaana joogay taftiraha websitka Somalisc oo isagu runtii howlo badan oo dhanka warbaahinta ah ka hayey halkaa.

Labadan urur ayaa waxeey albaabada u furayaan ururkasta oo Sport oo diyaar u ah waxwadaqabsi dhexmara iyo in ay u wada daneeyaan Sportiga Soomaliya oo u baahan taakuleeyn xoog leh.

Mohamed Sheikh Nuur
shikha114q@hotmail.com