Kooxda Kubadda cagta Xulka
Qaranka Soomaliya oo maanta barbardhac guul u dhiganta la galay
xulka dalka Ethiopia
Xulkeena kubadda Cagta Qaranka Soomaliya ayaa cayaar ku
beegneeyd isreereebka cayaaraha aduunka oo marka hore la isku soo
reebo qaarad qaarad la yeeshay xulka dalka aan dariska nahay ee
Ethiopia iyadoo ciyaartana lagu ciyaaray garoonka weyn ee Xasan
Guuleed Stadion oo ku yaal magaalada Dijabouti .
Ciyaartan oo aheeyd lugtii koowaad ee is aragga dhex
mari doona Soomaliya iyo Ethiopia ayaa cayaartan lagu ciyaaray dalka
Djibouti oo runtii fursad noo siiyey inaan u isticmaalno home ahaan
, iyadoo lugta labaad ee cayaartana ay ka dhici doonto magaalada
addis Abeba ee dalka Ethiopia.
Waxaa sharaf weyn ah in dhalinyarada matalayey xulka
qaranka Soomaliya ay cayaartan u babac dhigay xulka Ethiopia iyadoo
xitaa ayba ku dhaweeyd in ay badiyaan balse ay iska qasaariyeen dhowr
fursad oo muhiim ahaa.
Guusha maanta u soo hoyatay xulka qaranka Soomaliya
ayaa la dhihi karaa wuxuu ku yimid dadaal iyo xiriir wanaagsan oo
dhexmaray xiriirka kubadda cagta Soomaliya iyo qurbajoogta iyadoo
haatan uu xiriirkana biloow yahay ayaa waxaa la filayaa inuu noqdo
mid mira dhala.
Ciyaarta labaad ayaa waxaa xulka Soomaliya looga
fadhiyaa ineey tiigsadaan guul maadama ay xulka Ethiopia niyad jab
ku tahay barbardhaca ciyaartan koowaad isla markaa uu saaran yahay
walwal aad u badan maadaama dalkooda lagu ciyaarayo.
Cayaarta maanta dhex martay xulka qaranka Soomaliya iyo
Xulka dalka Ethiopia ayaa waxeey gabagabadii ku soo itlaatay
0-0.
