Waxa dhawaan Magaaladda ANN ARBOR ee
ka tirsan Gobolka MICHIGAN hareeyey Jawi Islaanimo,Soomaalinimo iyo
Isboortinimo ka dib markii ay Halyeeyo Isboortiga Soomaaliyeed u soo
kifaaxay Magac iyo Maamusna ku lahaa ay Boqosho sharaf ugu tageen
Ciyaaryahankii Caanka ahaa ee Axmed Cabaas Busuri oo ka tirsanaa
Xulka Qaranka Kubadda Cagta iyo Naadigii Muqdishu madaama aysan
arkin muddo aad iyo aad u fog,waxa kaloo boqoshadoodu ku taxaluqday
in ay soo arkaan halka uu marayo Caafimaadkiisa isla markaana ay u
duceeyaan in uu Ilaah ka qaado dhibka Caafimaad oo waayahan la soo
deristay.
Halyeeyadda Isboortiga ee halkaa
tegay waxay kala ahaayeen,Maxamed Faarax Damdamis,Mukhtaar
Cuti,Bashi Cali Baashi iyo Busuri Tafatiraha Xiddigaha.Com.,Dr.Cali
Cusmaan Cali iyo Caydiid Jeenyo oo ka socday Atlanta,waxa Magaaladda
Virginia ka yimid Khaliif Riiko iyo faysal Qaldaan,Gobolka OHIO waxa
boqoshadda uga qeyb galay Bashiir Geele iyo Mahad Yare,Waxa odayaal
shirkaa ka ahaa Axmed Carab oo Taarikh fog ku leh Isboortiga
Soomaaliyeed gaar ahaan Kubadda Koleyga isagoo ka mid ahaa Xulkii
Qaranka Kubadda Koleyga ee 1970kii.isla markaana soo noqday
tababaraha Xulka Qaran Soomaaliyeed muddo dhaa 10sano,waxa kaloo
halkaa Joogay Mudane Yuusuf Kolumbos oo mar soo noqday Wasiir ka
tirsan qaranka Soomaaliyeed iyo Inj. Cumar oo PHD ku haysta Cilmiga
Injineeriyadda,waxaana shirkaasi qadka Teleefoonka uga qeyb galay
Mudane xasan Jilicow Maslax oo mar soo ahaa Kuxigaha Duqa Magaaladda
ee qeybta Maaliyadda,Axmed nuur Maxamed xaashi(Seyga Ruushka)
Gudoomiyaha Mideybta Isboortiga Qaranka Soomaaliyeed,Xaaji Macow Sid
Barakow oo ahaa Ciyaaryahankii ugu wanagsanaa ee ka Ciyaara Lambarka
11aad ee soo mara Qaranka Soomaaliyeed iyo Cabdisamada qaasim oo ka
tirsanaa Naadigii Muqdishu.
Waxa ugu horeyntii halkaa ka hadlay
Maxamed faarax Dabdamis...waxaana uu marka hore u mahadceliyey
Jaaliyadda magaaladda ANN ARBOR sida ay iskugu duubantahay taa oo
runti ah mid mudan in lagu daydo,waxaana uu cadeeyey in ay maanta
Farxad u tahay dhamaan Bahweynta Isboortiga ee halkaan timid si ay u
soo booqdaan Walaalkooda Axmed cabaas,taa waxay caddeyneysaa in
Bahda Isboortiga ay weli isku duubanyihiin,isagoo ka oday ahaan
ballanqaaday in ay sii adkeyn doonaan iskuduubnaantaasi,waxaana uu
Ilaah uga baryey Halyey Axmed cabaas in uu siiyo Caafimaad taam
ah,isagoo ka soo qeyb galayaashii ka codsaday in ay Faataxadda u
akhriyaan mar kastoo ay oogaan Salaadda.
Waxa kaloo halkaa ka hadlay Mudane
Yusuf Kolombos,Axmed Carab iyo Inj.Cumar Maxamed Axmed oo
dhamaanttood ka tirsan Jaaliyadda ANN ARBOR iyagoo ku tilmaamy
bulshadda Isboortiga mid caafimaad qabta,waxay kaloo qireen in aysan
jirin bulsho saa iskuugu duuban isla markaana sida iskaaga
warqabta.....waxayna mudanyihiin in lagu da'ydo waayo waxa
Bulshadani ay sameysay waa arrin geli doontaa taarikhda.....waxayna
ballan ku qaadeen in ay xiriir la yeelan doono bulshadaan
caafimaadka qabta,iyagoo akhiritaankii u duceeyey Halyeey Axmed
Cabaas oo taariikh dheer ku leh Isboortiga Soomaaliyeed isagoo Naadi
iyo Qaranba u Ciyaaray,waxaana Jaaliyadda Reer ANN ARBOR halkaa ku
kasbadeen sacab badan.
Waxa ugu dambeyntii khudbadii qaatay Dr. Cali Cusmaan
Cali oo marka hore mahad aan la koobi karin u jeediyey Jaaliayadda ANN
ARBOR sida qiimaha leh oo ay u soo dhaweeyeen Halyeeyadaan Isboortiga
oo maanta soo booqday Saaxiibkood Axmed Cabas Busuri,waxaa kaloo Dr. Cali Cusmaan uu
ka warbixiyey Doorarkii uu ka soo qaatay Isboortiga Soomaaliyeed
gaar ahaan Kubadda Koleyga oo uu ka mid noqday Ciyaartoydii
Xulka Qaranka isla markaana uu tababare u soo noqday
Xulka Qaranka,waxaana uu Dr. Cali Cusmaan isagoo qiireysaan uu cadeeyey in Axmed
Carab uu soo kifaaxay Horumarinta Isboortiga Soomaaliyeed gaar ahaan Kubadda
Koleyga isla markaana uu yahay tababarihii ugu fiicnaa ee
soo mara Kubadda Koleyga Soomaaliyeed.
Waxaa
uu Dr. Cali Cusmaan uu u sheegay Tababare
Axmed Carab in aysan Ummadda Soomaaliyeed iloobi doonin waxa
aad u soo qabatay gaar ahaan Kubadda Koleyga,waxaana halaas Axmed
Carab loogu tumay Sacab aan kala go laheyn,sidoo kale Dr. Cali Cusmaan
waxa uu ka sheekeeyey doorkii uu Axmed Cabaas ka soo qaatay
Kubadda Cagta Naadiga Muqdishuu iyo Xulka Qaranka,waxaana uu ahaa
Ciyaaryahan ay u dhameystirantahay hab ciyaareedka oo dhan waliba
leh,waxaana taa u dheereed in uu ahaa Ciyaaryahan edeb iyo akhlaaq
ku caan baxay taa waxay u keentay in uu ka mid noqdo dhalinyaradda
caanka ku ah Kubadda Cagta,waxaana dadkayaga isboortiga waayaha
badan ku soo jiray aan caan ku nahay in aan mar kastaba booqano
Ciyaaryahankii ay dhibaato la soo deristo waa taa maanta midda aan
halkaan u joogno oo ah in aan Halyey Axmed Cabaas dareensiino in aan
meelna uga hareynin inta aan nooolnahay....waxaana kaloo aanu u
sheegnay in aanu la daba taaganahy Duco inta aan noolnahay...arrinta
waxay qof kastaba gelisay khushuuc aan caadi aheyn....waxana halkaa
mahad aan la koobi karin ka soo jeediyey Axmed Cabaas oo runtii
wajigiiisa ay ka muuqatay farxad aan la qiyaasi karin...waxaana ugu
dambeyntii Ilaah uga baryeynaa in uu siiyo caafimaad taam
ah.....ayuu hadalkii ku soo gabagaboobay.
