1011281.html

Cabdi Casiis Xuseen Cigaal oo xalay loo magacaabay guddoomiyaha ururweynaha SEUKI ee 2012 iyadoo sidoo kale la magacaabay qeybihii kale ee maamulka

Xalay oo ay taariikhdu aheeyd 31 Oktober 2011 ayaa waxaa sidii caadada ahaan jirtayba ururweynaha SEUKI uu doortay maamul Cusub oo howsha ururka u hagar baxa cayaara sanadeedka 2012 iyadoo Guddoomiyaha ururweynaha SEUKI loo doortay Cabdi Casiis Xuseen Cigaal oo ka mid ah aasaasayaashii ururweynaha SEUKI.

Magacaabista maamulkan cususb ee ururka SEUKI ayaa waxeey xalay ka dhacday magaayada Blue Moon oo ku taal xaafadda Rinkeby iyadoo ay halkaana ku sugnaayeen xubnaha ururka SEUKi iyo dhowr marti oo iyaga halkaa joogay.

Cabdi Casiis Xuseen cigaal ayaa noqday xalay musharax kaligii taagan sidaa darteed ayaa uu ururku codkiisa wada siiyey maadama uu kaligii sharaxnaa waxaana sidoo kale la magacaabay xubinii kale ee howsha la wadi lahaa gudoomiyaha cusub.

Waxaa xafladdan xalay ka hadlay Suldaan Maxamed deeqow Jacksson oo ka mid ahaa ciyaartoydii hore ee kooxda Horseed isla markaana ka mid ah aasaasyashii cayaaraha xagaaga Stockholm ayaa wuxuu carabka ku dhuftay waxqabadka ururka SEUKI isagoo u mahad celiyey guddoomiyihii hore ee SEUKi Wali Maalin Shaaciye sidoo kalana soo dhaweeyey guddoomiyaha Cususb Cabdi Casiis Xuseen Cigaal (Daalo) iyadoo halkaana sidoo kale uu ubax ku sii sagootiyey Wali ubaxna ku soo dhaweeyey Cabdi Casiis daalo.

Waxaa sidoo kale Guddomiyihii hore ubax ku sagootiyey una mahad celiyey ururka SEUKI oo uu masalayey Cabdi Dhuxul oo ka mid ah xubnaha ururweynaha SEUKI.

Xafladdan oo uu shirgudoon ka ahaa guddoomiye ku xigeenkii hore ee xiriirkii kubadda Cagta Soomaliya xiligii rugcadaagii allaha u naxariistee Faarax Weheliye Cadoow Sindiko Mudane Cabdi Cadde ayaa waxaa dhanka xiriirinta daadihinayey Faisal Makaraan oo xubin ka ah GOS.