Waxaa Magaaladdda Atlanta ee Cariga Mareykanka
dhawaan soo booqday Halyeeyo Isboortiga Soomaaliyeed u soo
Kifaaxay,kuwaa oo kala ahaa Axmednuur Maxamed Xaashi oo magac
dheer(Seyga Ruushka) oo ka tirsanaa Xulkii Kubadda Cagta ee Qaranka
Soomaaliyeed iyo Kooxdii Kubadda Cagta ee LLPP isla markaana ah
Gudoomiyaha Mideynta Qurbajoogta Isboortiga iyo Gudoomiyaha Guddiga
Isboortiga ee Gobolka Kentaky Mudana Xamza Sayid Xamza oo isna ka
tirsanaa Xulkii Qaranka ee Kubadda Cagta Soomaaliyeed isla markaana
ka mid ahaa Kooxdii Kubadda cagta ee Dekedda.
Waxaana Halyeeyadaasi soo dhaweyntooda ka qeyb
galay dhamaan Jaaliyadda ku sugan Magaaladda Atlanta oo ay
hogaaminayaa Guddiga Isboortiga iyo dhaqanka,waxaa kaloo ka qeyb
galay Guddiga Jaaliyaadda SomaliAmerican Center,Xubno ka socdo
Gudiga Hoyooyinka ee Atlanta , dhamaan Odayaasha ku nool Magaaladda
Atlanta iyo xybno ka socday Raadiyaha Qaran oo ku hadla codka
Jaaliyadda reer Atlanta.
Waxaa kaloo khadka teleefoonka kaga qeyb galay soo
dhaweyntooga madaxa Isboortiga ee ku kala nool Dalkaa Mareykanka
kuwaa oo kala ahaa:
1)Cabdi Cali Macalin.........Gudoomiyaha
Isboortiga ee Mineapolis
2)Cabdulaahi Xirsi Cabdi..Gudoomiyaha Isboortiga
ee Main
3)Cali Dhagey...................Gudoomiyaha
Isboortiga ee North Caroline
4)Cabdicasiis A.Mahdi......Gudoomiyaha Isboortiga
ee Tennesse
5)Nafiisa Ali......................Gudoomiyaha
Haweenka ee Atlanta
6)Cabdulaahi W,Jeegaxiir.Ciyaartoy Kubadda Koleyga
ee N.Muqdishu
7)Cabdulaahi Kolombo Wariyahii Isboortiga ee
raadiyo Muqdishu
8)Mukhtaar Cuti................Mucjisadii Kubadda
Cagta Soomaalityeed.
9)Guddiga Isboortiga ee Atlanta.
Waxa ugu horeyntii halkaa ka haddlay Gudoomiyaha
Guddiga Isboortiga iyo Dhaqanka ee Atlanta Mudane Dr.Cali Cusmaan
Cali oo marka hore isagoo ku hadalaayo Magaca Guddiga Isboortiga ku
soo dhaweeyey Halyeeyadaasi Magaaladda Atlanta,waxaana uu warbixin
ka siiyo maraxaladihii kala duwanaa ee uu soo maraya isboortiga
Atlanta isagoo sheegay in maanta ay reer Atlanta Sharaf u tahay in
ay soo dhaweeyaan Halyeeyadaani oo qeyb weyn ka soo qaatay
Horumarinta Isboortiga Soomaaliyee iyago arrntaasi magac iyo
maamiuba ku helay,waxa uu carabka ku adkeeyey Gudoomiye Cali Cusmaan
Fikradda wanagsan uu AxmedNuur iyo saaxibadii ay ku unkeen Guddiga
Mideynta Qurbajoogta Isboortiga taa oo runti wax weyn ka tari doonta
isla markaana sameyn badan ku yeelan doona koboca Isboortiga
Soomaaliyeed,iyada uusan shaki ku jirin haddi lagu guuleysto
Mideyntaasi in loo gudbii doono Mideynta Qaranka Soomaaliyeed,waayo
Halyeeyadda Isboortiga waxa abaal u haya dhamaan ummadda
Soomaaliyeed oo ay Calankooda muddo dheer daafacaayeen,waxaana Dr.
Cali Cusmaan cali uu ugu hambalyeey Guddiga Mideynta Qurbajoogta
Soomaaliyeed tilabadda geesinimadda leh oo ay qaadeen,isagoo ku
booriyey in aan laga hakan ka mira dhalinta guddigaasi oo xambaarsan
mas'uuliyad aan la qiyaasi karin,waxaana uu ku soo gabagabeeyey Dr.
Cali Cusmaan Cali oo ka mid ahaa aasaasayaasha Isboortiga
Soomaaliyeed in isaga iyo gudigiisaba ay hiil iyo hooba la garab
istagi doonaan.
Gudoomiyaha Guddiga Mideynta qurbo joogta Mudane
Axmednuur Maxamed Xaashi oo lagu naaneyso Seyga Ruushka..ayaa
hadalkiisa waxa uu ku bilaabay isagoo u mahadcelinaayo Jaaliyadda
Soomaaliyeed ee ku nool Atlanta,waxaana uu uga warbixiyey doorarkii
uu soo maray Gudigani,waxaana gudigana dhismahiisa soo dedejiyey ka
dib markii la arkay in la kala qoqobay Halyeeyadii Isboortiga u soo
halgamay iyadoo danta laga leeyahayna ay tahay in aysan waligood
cududooda mideynin ama aysan u soo jeesanin ka qeyb galka
Horumarinta Isboortiga,taa oo wax garadkii Isboortiga ay ka
gilgisheen,waxaana maanta lugteena hore ee safarka aanu ku bilawnay
Magaaladda Atlanta oo ay joogaan dad Magac iyo maamusba ku leh
Isboortiga,waxaana uu Gudoomiyaha Mideynta Qurba joogta Mudane Axmed
nuur Maxamed xaashi oo ku magac dheer Seyga ruushka ballanqaaday in
isaga iyo gudidigiisaba ay albaab kastaba ay garaaci doonaan inta
laga mideynaayo Halyeeyadda Isboortiga Soomaaliyeed,Mudane Seyga
Ruushka isagoo qiireysan ayuu waxa afkiisa laga hayaa in ay tahay
arrin waajib ah in la isu doon doono geesiyaddi Isboortiga
Soomaaliyeed gaarsiiyey heerka sare,waxaana Gudoomiye Axmed Nuur
halkaa loogu tumay Sacab aad iyo aad u fara badan.
Waxaa kaloo halkaa ka hadlaye Gudoomiyaha
Jaaliyadda Soomaaliyeed Mudane Cumar A.Shekhey,Aweys Fuundi,Caydiid
jeenyo,Cali Mataan iuo xubno kale oo ka tirsan odayaasha reer
Atlanta oo dhamaantood u cadeeyey Gudoomiyaha Guddiga Mideynta
Qurbajoogta Isboortiga in ay Garab taaganyihiin kuna dhiirageeliyeen
hawshaan uu u hayo Qaranka Soomaaliyeed,taa oo Axmed Nuur gelisay
Farxad aan la koobi karin.
Waxa kaloo halkaa ka hadlay Professor Mike Spino
oo ka mid ahay Macalimiinta Jaamacadaha Magaaladda Atlanta,waxaana
uu u cadeeyey in hawsha uu Axmednuur wado in ay tahay mid aad iyo
aad u wanagsan,waxaana uu Professorka hlkaa ka sheegay in uu wado
Barnaamij ku aadan horumarinta Isboortiga ee dalalka soo
koraayo.isagoo Gudoomiyaha Axmednuurna ku casumay in uu ka soo qeyb
galo,taa uu isna ku muteysaytay sacab aad iyo aad u farabadan oo
lagu dhiirigelinaayo Professorka oo saaxiib dhaw la aha Guddiga
Isboortiga iyo dhaqanka ee Atlanta isla markaana sanadkii 1984kii la
soo shaqeeyey Ciyaartoydii SDoomaaliyeed ee ka qeyb gashay
Olympigadii 84.
Gudoomiyaha Ururka Haweenka Marwo Nafiiso Ali aya
waxay siisay Hadiyado aad iyo aad uu qiimo badan Mudane Axmednuur
iyo Xamza,iyado kula dardaarantay in shaqada ay Qaranka Soomaaliteed
u hayaan ay halkooda ka sii wadaan,Isboortigana uu yahay midka keli
ah oo mideyn kara Soomaalia,
Xafladii waxay ku soo dhamaatay si heer sare
ah.
