Ceelbuurnet.com::Daily News From Somalia by A A

17-01-2007 00:06:29 Ceelbuurnet.com

`DR. CALI CUSMAAN "ATLANTA PLAN WAA MID WAXTAR U LEH UMMADDA SOOMAALIYEED"`

Waxa dhawaan lagu qabtay Magaaladda Atlanta ee Cariga Mareykanka shir aad iyo aad muhim u ah oo ay soo abaabushay Clark Universaty oo ka mid ah Jaamacadaha ugu qadiinsan Magaaladda Atlanta,,waxaana Shirkaasi ka soo qayb galay Dawladda Nyjeeria oo ay hoogaamineyysay Gabar xubin ka ah Barlamaanka Nyjeeria,Dr. Brown oo ah Madaxwaynaha Jaamacadda Clark,Ganacsato ka socotay Dalka Nyjeeria,Tababare Ron Davis oo ka soo noqday Tartankii Ciyaaraha Fudud ee lagu qabtay Dalka Jarmalka,iyo Wafdi matalayey Ummadda Soomaaliyeed oo uu hogaaminaayey Gudoomiyaha Guddiga Isboortiga iyo Dhaqanka ee Magaaladda Atlanta isla markaana ahaa Xoghayaha Guddiga Olympigadda ee Tartankii 1996 Dr. Cali Cusmaan Cali,waxaana wafdigaasi ka mid ahaa Halyey Cabdi Warsame Isaaq oo ka mid ahaa Xulkii qarana Soomaaliyeed ee Ciyaaraha Fudud uuna soo ciyaaray Kooxdii Ciyaaraha Fudud ee Wakaaladii Ganacsiga (ENC). Wxaana halkii warbixin aad u dheer siiyey Madaxwaynaha Jaamacadda Clark Mr. Brown isagoo sheegay in la doonaayo in la sameeyo Barnaamij loogu magac daray Atlanat Plan oo la doonaayo in la unko xiriir ku wajahan Arrimaha Bulshadda,Siyaasadda iyo Dhaqaalaha oo ay hormuud u noqoto Jaamacadda Clark lagana qayb geliyo dhamaan Dawladaha dhaca Qaaradd Afrika,taa oo aan rajeyneyno in ay ugu hormartay tartan Ciyaareed oo loo abaabulo Ciyaaryahanadda Mareykanka iyo kuwa ka socdo Dawladaha Afrikaanka laguna qabto Xarunta Jaamacadda Clark, Shirkaas oo aad iyo aad muhim uga ah Dawladaha Afrikaanka ayaa halkii waxa khubbad dheer ka jeediyey Dr.Cali Cusmaan Cali Gudoomiyaha Guddiga Isboortiga iyo Dhaqanka ee Atlanta isagoo sheegay in Barnaamijka Atlanta Plan uu yahay mid ruuntii qayb way ka qaadan kara horumarinta Qaaradda Afriaka,isagoo sheegay in haddi aanu nahay Masuuliyiinta Ummadda Soomaaliyeed aanu si buuxda uga qayb geli doono,waxaana uu sheegay in aanu leenahay khubaro ku xeel dheer arrimaha kala duwan uu barnaamijkaan salka ku hayo sida arrimaha Bulshada oo aanu u kala qaadeyno waxbarashada iyo Isboortiga,waxaanan uu Mitaal u soo qaatay sida Dr. Cabdirisaaq Cusmaan iyo Macalin Burhaan oo ka mid aha aqoonyahanadda Soomaaliyeed oo aad iyo aad ugu xeel dheer arrimaha waxbarashadda kana soo shaqeeyey muddo aad iyo aad u dheer in ay wax badan ummadda Soomaaliyeed u soo dhicin doonaan,sidoo kale marka laga hadlaayo Isboortiga waxa uu Dr. Cali Cusmaan Cali farta ku fiiqay in Atlanta iyo goboladda ku xeeran ay leeyihiin khubaro Isboorti oo ka soo mid noqday Xulkii qaranka ama Tababare u soo noqday Xulkii Qaranka Soomaaliyeed kuwa oo kala ah Mxamed Xaaji Giftin oo soo noqday Tababare Xulka Qaranka Soomaaliyee,Aweys Fundi Kooxdii Horseed iyo Xulka Qaranka Soomaaliyeed,Cabdi Warsame Isaaq oo ka mid ahaa Xulkii Qaranka Soomaaliyee ee Ciyaaraha Fudud,sidoo kale waxa uu Dr. Cali Cusmaan Cali soo qaatay in Goboladda noo dhaw ay ku nool yihiin khubaro kale oo ay ka mid yihiin Maxamed Xasan Qolof oo ka mid ahaa Xulkii Qaranka Kubadda Cagta Soomaaliyeed ee 1963,isla markaana ka mid ahaa garsoorayaashi kubadda Cagta ee ugu wanagsanaa Qaaradda Afrika,waxa kaloo kula nool Magaaladda tennesse Tababare Cabdicasiis Axmed Mahdi oo ka mid ahaa Tababarayaashii waxa ka soo leyliyey Xulka Qaranka Soomaaliyeed ee Kubadda Cagta isla markaana Shahaado Heer Caalami ee Kuabdda Cagta ka soo qaatay dalka Hungeri,sidoo kale Magaaladda Virgiiniya waxa ku nool LMr.Khaliif Riiko oo ka mid ahaa Kooxdii Kubadda Cagta ee Dekadaha iyo Xulkii Qaranka ee Kubadda cagta iyo Tababare Caraale oo ka tirsanaa Xulkii Qaranka ee Ciyaaraha Fuduud.waxa marka noo fududaan doono in Atlanta Plan qaybtiisa Arrrimaha Bulshadda aanu si buuxda uga qayb galno madaama aanu leenahay khubaradaa kala duwan. Dr. Cali Cusmaan Cali oo aad iyo aad u qiireysan ayaa uu carabka ku adkeeyey in ay dhibaato badan la kulantay Siyaasadda Soomaaliyeed taa oo keentay dagaaladii sokeeyey oo aafeeyey dalkeena Soomaaliya,laakiin waxa uu Dr. Cali Cusmaan Cali u bishaareeyey ka soo qayb galayaashii in ay Siyaasadda Soomaaliya ay maanta mareyso halkii ugu wanagsaneyd taa oo loo aaneeynaayo dadaalak ay muujiyeen Madaxwaynaha Dalak Soomaaliya Sheekh Shariif iyo Raisul wasaaraha Mr. Cumar Cabdirashiid kuwa oo albaabadda u furay in la wada hadlo dhibaatadda jirtanna lagu dhameeyo wadahadal iyo isfaham,taa oo aad moodid in ay soo dhaweeyeen Bulshadda Caalamka ayna ku heleen sumcad iyo qadarin,waxaana hamigii ummadda kor uu u kacay markii Madaxwaynaha Shekh Shariif shekk Axmed uu la kulmay Wasiir arrimo dibadeedka Mareykanka Ms Hillary Clinton ,iyo khudbadii Madaxwaynaha uu ka jeediyey shirkii Qaramadda Midawbay taa oo keentay in Sacab badan loo tumo,waxaana aanu rajeyneynaa in ay dadaalkaa uu keeno in Ummadda Soomaaliyeed ay mar kale gacmaha is qabsato. Dr. Calli Cusmaan Cali oo ka mid ah aqoonyahanadda Dhaqaalaha ayaa shir waxa uu uga warbixiyey in dagaaladii sokeeyey in burburiyeen kaabayaashii dhaqaalaha,waxaana uu sheegay in dhaqaalaha Ummadda Soomaaliyeed uu ku tiirsanaa Xoolaha iyo Beeraha isagoo raaciyey in ay Ummadda Soomaaliyeed ay leeyihii xeeb dhirirgeedu yahay 3333Km oo ay ka buuxaan khayraad kala duwan,isagoo u sheegay ka soo qayb galayaasha Atlanta Plan in uu jiro Khayraad DIHAN(RESOURCE POTENZIALE) oo aanu ka codsaneyno in Ummadda Soomaaloiyeed laga caawino,waxaana ka soo qayb galayaashi ay aad iyo aad ugu khashuuceen khudbadaas qiimaha leh oo uu Dr. Cali Cusmaan Cali ka jeediyey shirkaas,waxaana uu ugu dambeyntii Ummadda Soomaaliyeed ugu baaqayaa in markaan nabadda loo jeesto madaama la arkay in uusan dagaal wiil ku dhalanin in uu ku dhinto mooyee,waxaana uu shirkii mku soo gabagaboobay si qiimo leh,isagoo Dr. Cali Cusmaan Cali halkaa sacab badan loogu tumay.

News Editor
Ceelbuurnet.com
admin@ceelbuurnet.com
Muqdisho

Contact us at: admin@ceelbuurnet.com