Shirkadda Aflax oo ka dhisan magaaladan Stockholm oo ayna hormuud u yihiin Korneyl Diini iyo Cabdi Nasir Garweyne ayaa waxeey casho sii sagootin ah dhawaan magaaladan Stockholm ku casuumeen dhamaan martidii ka soo qeyb galay cayaaraha xagaaga SEUKI 2009 oo si aan caadi aheeyn loogu soo gabagabeeyey magaaladan Stockholm.

Cashadan oo ay marti ku ahaayeen masuuliyiinta kooxaha ayaa waxaa iyaguna joogay Guddoomiyaha xiriirka kubadda cagta Jabuuti Mudane Xuseen Fadul iyo sidoo kale guddoomiyeku xigeenka xiriirka Soomaliyeed ee kubadda cagta mudane Axmed Nuur Xasan Cabdulle sidoo kale waxaa joogay guddoomiye ku xigeenka xiriirka soomaliyeed ee kubadda koleyga mudane Injneer Baana.

Cashadan oo ay dad fara badan ka hadleen oo uu ka mid ahaa guddoomiyaha ururka SEUKI Sheekh Mukhtaar Shuute ayeey waxeey dhamaantood isla soo qaadeen sidii loo hormarin lahaa Sportiga iyo hormarinta dhalaanka Soomaliyeed iyadoo ay halkaana ka hadleen masuuliyiinta shirkadda Aflax mudane Korneyl Diini iyo Cabdinaasir Garweyne .

Cashadan ayaa waxaa ay ka dhacday Resturang Indian Garden oo ku taal farasmagaalaha Stockholm halka lagu magacaabo Medborgarpaltsen.

Magaalada Stockholm ayaa sanadkan waxaa soo gaaray marti fara badan oo ka kala yimid dunida dacaladeeda si ay uga qeyb qaataan cayaaraha xagaaga SEUKI 2009 oo sanadkan noqday tartanka kaliya ee ka dhacayey magaalada Stockholm .