Cayaarihii xagaaga SEUKI 2009 oo maalmahanba ka socday garoonka weyn ee Spånga IP ayaa waxeey haatan ku dhaw yahiin gabagabo iyadoo shalay la cayaaray Quarter finelkii labaad oo ay isku arkeen cayaartii koowaad kooxda Qaran oo ka dhisan wuqooyiga magaalada Stockholm iyo kooxda Oslo Norway oo ka timid dalka Norway.

Cayaartan ayaa waxaa garoonka soo buux dhaafiyey dad weyne aad u fara badan iyadoo ay halkaana buuxeen tageerayaasha Qaran ay caanka ku tahay oo shalay halkaa ka geeystay falal aan wanaagsaneeyn iyagoo ridayey baaruud taasoo waxyeelo gaarsiin karta caruurta yar yar ee halkaa jooga.

Cayaartan oo mareeysa 2-1 ay ku hogaamineeysay kooxda Oslo Norway ayaa waxaa uu garsoorihii cayaarta joojiyey cayaarta maadaama ay suurtagal noqon weeysay in taageerayaasha Qaran ay joojiyaan Baaruudda ay ridayeen tasoo kooxda Qaran sanadkii labaad sabab u noqotay ineey cayaarta wanaagsan ee ay la soo shir tageen dhameeystaan oo isku dayaan ineey guuleeystaan.

Cayaartii labaad oo ay dadku wada sugayeen runtiina ay cayaareeysay kooxdii ugu danbeeysay afartii kooxood ee ka socday magaalada Stockholm iyo kooxdii ugu danbeeysay 4 tii  koox ee ka socday UK ayaa waxeey dadku filayeen ineey noqoto cayaar isku dheeli tiran oo ay labada koox la yimaadaan cayaar dadka qancisa balse kooxda Leicester ayaa u awood sheegatay kooxda Xiddigaha oo runtii sanadkan aad uga liidata intii ay kooxdu jirtay iyadoo kooxda xiddigaha dhulka lagu jiiday lagana dhaliyey 5-0 taasoo ceeb ku ah in koox weyn oo 8 da ugu danbeeysa soo gaartay sidaa loo galo.

Cayarahan ayaa waxaa haatan iskugu soo haray afar koox oo koox walba ay wadan masaleeyso iyadoo reer Sweden ay u soo hartay kooxda Neutral Göteborg reer UK waxaa u soo haray leicester , sidoo kale waxaa Norway u soo haray kooxda Oslo Norway iyo Holland oo iyadu aheeyd kooxda qura ee ka soctay dalka Nederland.

Beri ayaa hadii allaha awooda lihi ogolaado waxaa fooda is dari doona kooxha Holland iyo Göteborg iyo sidoo kale kooxaha Oslo Norway iyo Leicester.

Cayaarahan ayaa waxaa sidii ay caadadu aheeydba shalay ku sugnaa marti sharaf fara badan oo ka kala yimid Afrika , Yrurb iyo North America iyadoo ay halkaa ku sugnayeen wafdigii reer Jabuuti ee ka koobaa guddoomiyaha xiriirka kubadda cagta Jabuuti mudane Xuseen Fadul iyo xoghayahiisa Mudane Cali Kaamil Cali , waxaa sidoo kale joogay Guddoomiye ku xigeenka xiriika kubadda cagta Soomaliya mudane Axmed Nuur Xasan Cabdulle ,  Kerstin Gustavsson ,Björn Begner , Annet Hägger , Guddoomiyaha ururka EuroSom Mudane Maxamed Diini , Guddoomiya ururka TODAY Mudane Sheekh Xuseen , Xoghayaha xiriirka  kubadda koleyga Soomaliya Ingneer Baana ,Macalin Muuse Naasir , Axmed Cabdikariin Walaayo (Cantar Jeenyo) Shariif Zeiyn , Maxamed Axmed Caalin ,Axmadeey B , Gdoomiyaha ururka Skif Abukar Adan Deeqow ( Boss Caato ) , xubin GOS Maxamed Muuse Jabroos , Oday Sport Bashiir Cilmi Maxamed ( Bashiir Jeenyo ) Abukar Cabdulle Dhabareey,Khalaafe ,Cabdulaahi Maalin ,Sabriye Gaboow ,Ganeey ,Bashir Mursal,  Fartuun Birimo iyo marti fara badan oo aan halkan ku soo koobi karin.

Waxaa intii aysan cayaaruhu bilaaban sida caadada aheeyba halkaa kooxaha kula dardaaramay odageena Axmed Saalax Diinaash oo ah garsoore caalami ah isla markaana cayaarahan ka soo qeyb qaadanayey ilaa intii la bilaabay isagoo u qaabilsan arimaha garsoorayaasha iyo wacyi galinta sidoo kale waxaa cayaartooyda la hadlay Cantar Jeenyo oo ah cayaaryahan hore oo caan ka ahaa dalkeena iyo guddoomiyayaasha kooxaha oo la dardaarmayey cayaartooyda.