Xalay oo ay aheeyd habeenkii ugu danbeeysay bisha barakeysan ee Ramadaan ayaa waxaa magaalada Stockholm soo gaaray Guddoomiyaha Guddiga Olympikada Soomaliya Mudane Adan Xaaji Yabaroow (Wiish) oo bilihii ugu danbeeyey howlo Sport u joogay qaaradan Yururb isagoo hore u soo maray dalalka Talyaaniga iyo Denmark.

Bahda Sportiga ee magaaladan Stockholm oo u diyaargaroowday imaanshiyaha guddoomiyaha ayaa waxaa isla xalayba Afur iyo casho si aad ah loo soo qaabeeyey u sameeyey Cayaaryahan hore oo ka tirsanaa kooxdii Otobaarka ama gaadiidka xiliyadii barisamaadkii laguna magacaabo Abukar Cabdulle loona yaqaan Dhabareey kana tirsan howlwadeenada Sportiga Sweden.

Afurkan ayaa sidoo kale waxaa ka soo qeyb galay qaar ka tirsan bahda Sportiga magaaladan Stockholm oo uu ugu horeeyo masuulka qabanqaabada wafdigan isla markaana ah xubin guddiga GOS Maxamed  Muuse Jabroos ,  Sacad Cumar Geedi , Bashiir Cilmi Maxamed (Jeenyo) ,  Xaaji Jeenyo , Sabriye Gaabow , Cabdi Cumar Afrax , Cali Cumar ,Xamdi Sheekh Axmed ,Maxmed Mukhtaar ,Jamaal , waxaa sidoo kale cashada ka soo qeyb galay Garsoore Xasan Wiish , Mohamed Deeq Yusuf  iyo Ibrahim Ahmed Yabaroow oo iyaguna ka yimid Dalka Denmark.

Afurkan iyo Cashadan isla socday oo loo sameeyey guddoomiyaha ayaa waxaa si aan caadi aheeyn u soo diyaariyey hablaha magaalada Stockholm oo ay ka mid yihiin Shamso Jamle , Faay dheer , Faadumo Axmed , Boolaay Jimcaale , Nuurto Xaaji .

Guddoomiyaha iyo xoghayaha GOS ayaa hadii alla idmo maalinta talaadada waxeey safar ku tagi doonaan dalka Findland iyagoo shir weyna kala qeybgali doona bahda Sportiga Sweden maalinta 27 bishan shirkaasoo ka dhici doona Folkets Hus oo ku yaal xaafadda Rinkeby.