Ururweynaha SEUKI oo sii
sagootiyey cayaaryahan Ciise Aadan Abshir oo u socdaalay ka
qeybgalka cayaarta xulka soomaliya Vs Ethiopia ka dhaceeysa
Djibouti
Cayaaryahan Ciise Adan Abshir oo loo yaqaan Ciise
Midnimo ayaa maanta u socdaalay dalka Dijbouti oo ay ka dhici doonto
cayaarta uu xulka qaranka Soomaliya la yeelan doono xulka dalka aanu
dariska nahay ee Ethiopia.
Cayaaryahan Ciise oo deggan dalka Norway ayaa waxaa
xalay sii sagootiyey uruweynaha SEUKI oo ah ururka qabta cayaaraha
kubadda cagta xagaaga ka dhaca Sweden cayaarahaas oo uu Ciise
Midnimo ka qeyb qaatay dhowr mar oo hore.
Sii sagootinta uu ururweynaha SEUKI sii sagootiyey
cayaaryahan Ciise ayaan aheeyn markii ugu horeeysay balse sida uu ii
sheegay Ciise sagootin hore uu ururweynaha SEUKI i sagootiyey ayaan
xasuustaa oo aan ka badinay dalka Tanzania waxaan hadana filayaa
inaan sidoo kale ka badin doono qaranka dalka Ethiopia.
Cayaaryahan Ciise ayaa wuxuu muddo dheer ka tirsanaa
cayaartooyda matasha xulka qaranka Soomaliya isagoo hore u noqday
cayaaryahan Proffs ah ka dib markii ay iibsatay kooxda Simpa oo ka
dhisan dalka tanzania.
Cayaaryahan Ciise Midnimo ayaa haatan ka tirsan koox ka
cayaarta cayaaraha sare ee dalka Norway wuxuuna markasta u duuban
yahay difaacidda calanka Soomaliya.
